السلام عليكم

هارد لك لكل النمور ......
هزيمه قاسيه لكن هذا حال الكوره
انا بس ودي اعرف خالد القروني هو متاكد انه كان يلعب في اسيا ولا هو مضيع اسيا
داخل مباراه العين كانه يستعد لمباراه الشعله ولا وش تفسير اللخبطه الي حاصله
مره طلال العبسي ويرجع للقميزي ويشيل الضميري ويحط المولد ويطير باجندوح ويطبب بو سبعان ؟؟ مضيع شي هو؟؟؟
ثم ينزل ياكونان الي واضح انه باقي منتفخ من الصيفيه ولاهو جاهز لياقيا بس سمع الجماهير تطالب فيه وحطه اساسي ؟؟؟؟؟
انا الي اعرفه ان اللاعب الجديد الغير منسجم لازم تكون مشاركاته مع النادي بالتدريج ,,,

عموما سبب الهزيمه اولا هو القروني مايعرف يلعب بتكتيك ولا توفق في اختيار الاسماء

وسبب الهزيمه ثانيا الاداره الي اعتمدت عليه

وسبب الهزيمه ثالثا الجماهير الي تكتلت على النتيجه وعظمتها ونسينا مباراة جوانزو كانت نفس نتيجة العين وبنفس البطوله ومع ذلك قدر الاتحاد انه يعوضها ويضاعف النتيجه ويفوز في اقل من تسعين دقيقه وفي فرص اقل من مباراه العين

وسبب الهزيمه رابعا الجمهور الي يعرف ان الاتحاد لو صدرت منه اي غلطه ماراح احد يرحمه ومع ذلك قام باعمال الشغب في مباراه الشباب وكانت عند اللجان الاسيويه مثل الصيده وهم يدورون اي شي من اول على الاتحاد ووالله ما استبعد ان الي اثار موضوع منع الجماهير الاتحاديه هو حافظ المدلج نفسه وان الحبكه ضد الاتحاد مخططها اعضاء سعوديين داخل الاتحاد الاسيوي ولكم في بطوله انديه العالم وقصه منع اجانب الاتحاد الشهيره خير مثال

مبروك للعين وفاله البطوله وحظ اوفر لنا ان شاء الله في قادم البطولات


معلومه واقتراح
اذا الاداره تتجه نحو تغيير المدرب
اقترح يدرسون ملف المدرب الامريكي بوب برادلي ويضمونه من ضمن الخيارات
لانه مدرب تكتيكي ويعرف يقرا المباراه ويجيد التهيئه النفسيه والاهم الاهم الاهم انه متاح حاليا يعني عاطل