يالشعر في صدري ميادين وجيوش
يال الزمان معقد الحجان في وجهي يزود
عيا يصافح مد كفي ماحصلي شدها
قليب سده في طوارف طيها وسم الورد
برشاه وادليه تعاقب بالحفر من سدها
اعبر يا هالوقت ماخليت للواقع بنود
على مسير الدرب لابد الليالي ضدها
فيها الغرام اللي ذبحني من على جد وجدود
وصل الوفاء من بيننا مايحكمه من صدها
الله واكبر كيف فكره راح يطلبه الصدود
فكرة خياله ماعرفها كيف يعرف لدها
غريب في عالم غريب بفكرته فك العقود
غموض في بعض المعاني ماعرفنا جدها
صحيح لاجات المواقف له مع الوقفه صمود
ولاقال كلمه يحتميه بالثقه هو قدها
هاذا انا يابنت لاجات الصمايل لي وجود
يشهدلها راع الوفاء والطيب واللي عدها
طال الكلام وكل حرفٍ له مع المعنا جهود
فارس هجوسه لاحضر جزلٍ ليا من هدها
وختامها يبقا الوفاء في صدورنا عند الوعود
وفي كل كلمه من خطانا ياحيبي فدها
(بن نميان)
رد مع اقتباس
