[align=center]السلام عليكم
تحية عطره للجميع ..
غصن الخطايا[/align]
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
عادي تجي وان رحت مسموح عادي=عندي حضورك صار يشبه غيابك
مانيب للمقفين مثلك منادي=لا تنتظر لاجيت منيّ هلابك
روّح مراح الريح لا راح غادي=روّح مع اللي يالمقفّي غدى بك
ما دامني بالصدق وياك بادي=ليه ابتدا بالجرح حضرة جنابك
جنيت من غصن الخطايا حصادي=غلطت زماني يوم مثلي رضى بك
خلّك ( I mean ) ( Relax ) خليك هادي=يعني بصراحه ما حسبنا حسابك
أنت بصراحه ما أنت غاية مرادي=ما ينشغل فيك انت قلب ٍ شقى بك
زوّد على جرحي جروح ٍ جداد ِ=لو شفتني واقف على أعتاب بابك
أنا بوادي وأنت هايم بوادي=بينك وبيني ألف ليل ٍ سرابك
مليت هجرك والجفا والتمادي=مليت اسولف لليالي عذابك
أموت طير ٍ فوق الأغصان شادي=ويموت ينعق بالمقابر غرابك
ماقلت لك عادي تجي تروح عادي=يعني تجي وتروح ما احد ٍ درى بك[/poem]
رد مع اقتباس
