السلام عليكم ورحمة الله وبركاته ،،
للتواصل معكم في هذا الصرح الشامخ (( غرابيل ))
أعود لكم بهذه المتواضعة التي اتمنى أن تنال على رضاكم ،،
بعد نشرها في مجلة ( حول الخليج ) لهذا الشهر,,,
[poem=font="Simplified Arabic,4,white,bold,normal" bkcolor="darkblue" bkimage="" border="double,4,gray" type=0 line=0 align=center use=ex num="0,black"]
ماني على خبرك حبيبي أنا غير=ماني الحبيب الطيب الأولاني
انسان ثاني غربلته المقادير=من عقب ما غربله جور الزماني
ما أنكر إني بالوفا سالم الزير=وما انكر إن البعد شتت كياني
صح إنك اللي هدته كنه الطير=إليا ظهر بالجو كسب الرهاني
وصح إنك اللي منيتي بالهوى مير=شفت الفراق المر عنّك حداني
امر مرباعك مع حزة عصير=دارك طلل وردك ذبل يا أناني
معقول هذا صار واسج تفكير=واقول يا ربي وشلي بلاني
يا شين دارك عقب ذيك التعابير=ويا شيب عيني عقب ذيك الأماني
اللي رسمناها على ضفة البير=واللي نقشناها بذيل السواني
أيامها كنا سوات العصافير=نختال بين الفل والزعفراني
ونشيد أحلام الطفوله تصاوير=ونعيش في طياتها جو ثاني
وإذا لفينا يم دارك مسايير=تضحك وانا اضحك لا تلعثم لساني
وبشعري المكسور ما فير تجبير=يبحر بك إحساسي بحور ومواني
ما كان نحسب ربحنا والمخاسير=عشنا البساطه عمرنا ما نعاني
واليوم أمحق وقت ما به تباشير=ما غير همٍ راسخٍ بالمحاني
حتى أنت يحصل منك يا حيف تقصير=وانت الذي ترخص حياتك عشاني
ذكرى تكّسّر فرحة العمر تكسير=دام الفراق اللي غشاك وغشاني
أتجاهل أيامك وحلو الأصاطير=وآثار طيفك عايشه بالمحاني
هدتني الدنيا بكثر المشاوير=أطرد سرابك يا عديم الحناني
واصل بدربك جعل دربك مسافير=وانا على جرحي مكاني مكاني
جيوش همي في غيابك طوابير=هدت أحاسيس الفرح في ثواني
تسأل عساك بخير؟ من وين هالخير!!=لا صار حتى الحظ منّك خذاني
اتذكر أيامك وسود المقادير=وابكي مكانٍ ضمني واحتواني
ويلاه ياللي غير العهد تغيير=حتى حنينك في غيابك نساني
يالله عسا لي من تجافيك تدبير=هذا الزمان بصدق ماله أماني
غيبتك عني مالها أي تفسير=جمله وضاعت في بحور المعاني
بدت سنه وأقفت سنه في معاذير=مشيتها مره وخمس وثماني
تبي الحقيقه عاد من غير تزوير=لك خالص التقدير والإمتناني
ما عاد يشفعلك معي أي تبرير=أنسا خلاص إني فلان الفلاني
اللي كسبت محبته للأسف غير=الله يرحم صاحبك لـــولاني[/poem]
رد مع اقتباس
المشاركة الأصلية كتبت بواسطة عبد الرحمن الشهري
-new.gif)
