محاورة .. مفتوحه

**برقان** · 25-01-2008, 02:14 AM

بسم الله الرحمن الرحيم

بسم رب البيت والشهر الحرام..
ابتدي معكم واسلم بـــــا حترام..
ياســــلام الله عليكم ياســــلام..
ما على الدنيا ضميرٍ مستريح..

سلام الله على اهل المنتدى حضار والشّعــــار
من الخاطر ومن فيض المشاعر يـــــا موديها
حضرت وجيت بالصدفه ولاني شاقح(ن) زوار
بديت بعرف والباقي علــــــــــــى ربي يسويها

**عمدة الشعار** · 25-01-2008, 02:19 AM

برقان

صح لسااااااااانك

ننتظر الطرف الآخر

**وااافي** · 25-01-2008, 02:48 AM

[[align=center]السلام عليكم ورحمة الله
ومساكم الله بالخير

اعذروني على المداخلة يالربع
واسمحولي بالرد,,,,,

جيت يابــــرقان اصحـك لاتنــــام
صل فجر اليوم في البيت الحرام
وادع ربك يبعدك شـــر السهـــام
ماعلى الدنيا ظمير مستريح ,,,

غزيت البحر ياموجي وغيري همه التذكـار
ملوك الجان تخفي سم حالي في قوافيهـــا
ترفق ياخظار العود واحذر قوة الاعصــــار
وموجي لا تصوب له وحاسب من عوافيها[/align]

**برقان** · 25-01-2008, 09:35 PM

عمدة

صح بدنك

..............

انت لو انك من اهل المعرفــه..
ماتخوض بشي تبطي تعرفـــه..
بق من شعرك شويه واعلفه..
ما على الدنيا ضميرٍ مستريح..

هلا بالوافي اللي عام في بحره مع البحــــار
ركب على الفلك ما سمى وبسم الله مجريها
:
ملوك الجان ياوافي عطتك من البحور اِشعار
تقول ان كنت مـــــــا تقدر تشب النار طفيهــــا

**نـواف الشمــري** · 25-01-2008, 09:46 PM

واصلوا واصلوا

صحت السنتكم جميعا ولا هنتوا

تحياتي

**وااافي** · 26-01-2008, 10:13 PM

[a7la1=993300][align=center][align=center]نواف

صح بدنك[/align] [/align][/a7la1]

[align=center]عشت يابرقان والزحمه دفى,,
صار لك مقصد وشيمه يافتى,,
الله يرحم كل ماضي لك خبى,,
ماعلى الدنيا ظمير مستريح,,,,,

بقى يالقايد البحار في الشاطي بنيت الدار
اراقب مركب الربان اشب النار واحميها
تصبر يالملك برقان وخل المركبه تنهار
ترا موجي شبيه الريح والمره خلا فيها[/align]

**برقان** · 26-01-2008, 10:28 PM

نواف ولا هنت

...................

حولت بي مرجمات من الضنون..
وانكسر فيني حشا قلبي الحنون..
يا موردهــــــــــا معير لا يجون..
مــا على الدنيا ضميرٍ مستريح..

نوافيهم نوافينا علــــــى الحطـــــــــاب والنجــــار
ومركب نوح على الجودي تسوى من شواطيها
:
واذا مره خلا فــــــــي ريحكم ماتبصره الابصار
خبرت الريح ياوافـــــــــــي بنون العين مخفيها

**وااافي** · 26-01-2008, 11:21 PM

[align=center]بيرقي عالي وسيفي يحتفي,,
والبيارق قرب وافي تختفي,,
والرماده بعد جمرك تنطفي,,
ماعلى الدنيا ظمير مستريح,,,,

اشوف الصرح ماعلّى واشوف الحمل للاسفار
واشوف العرش ولىّ عن ملـــوك الجن ناويها
وروح المالك الفرعــون في بحري وانا جبـــار
عـــرف ربي وهـــو بيـــدي تعلق بأمر واليهـــا [/align]

**برقان** · 26-01-2008, 11:35 PM

بين مد وبين جز وبين مــــــــــاك..
في حلوق الجن قولي وش رماك..
من مفارقهم لفالقهم حــــــــــداك..
مـــــا على الدنيا ضميرٍ مستريح..

قفلت الباب والخافي على مثلك غبا مــا ثار
تموت تّغرس الابذار وترقد ما بتجنيهــــــــا
ياوافي من بدا بدغام لا يلقب على الاظهار
تعلم قبل تبني القاف لا تضهر خوافيهــــــا

**وااافي** · 26-01-2008, 11:56 PM

[align=center]شاعر المليون مافك اللحام,,
ارسل المكتوب والليله ظلام,,
ماخبرت الجن تصبح ماتنام,,
ماعلى الدنيا ظمير مستريح,,,

عرفت القصد يابرقان وانا في عالــي الانظــــار
ولا انظر في خطى رجلي واحاسب من عوافيها
ولاهميت من قول الهوا وان صار وش ماصار
ويكـــفي لـــي محبـــة ماأجامـــل من اعاديهـــا[/align]

**أبوعبدالرحمن** · 27-01-2008, 03:40 AM

صحت قلوبكم جميع

واصلو

**برقان** · 27-01-2008, 11:50 PM

صح بدنك

ابو عبدالرحمن

حسنــــــــي الله يصلحه قفل رفح..
وأهل غزة في غضب مما اقترح..
والضمير الحــي في جوفه سرح..
مــــا على الدنيا ضميرٍ مستريح..

بسير معك واتمشى واشوف نهاية المشوار
واحدث ساكنين الكهف عن قصتك وارويها
:
مجاملني كتب حظه ودندن دندنت الاورتار
يغني ليلي ياعيني ويـــــــــا مطول لياليها

الموضوع: محاورة .. مفتوحه

أدوات الموضوع

بحث في الموضوع

تقييم هذا الموضوع

محاورة .. مفتوحه

معلومات الموضوع

الأعضاء الذين يشاهدون هذا الموضوع

المواضيع المتشابهه

جوال n73 مسجل لمده مفتوحه

محاورة بمناسبة فووووووووووووز الاهليييييييييييييييي - شاعرة محاورة-

برنامج التصوير بصيغه مفتوحه

دعووووه للمحـــاوره (مفتوحه)

رسائل الصور .. مفتوحه الآن ..

الكلمات الدلالية لهذا الموضوع

ضوابط المشاركة