[poem=font="Simplified Arabic,5,black,normal,normal" bkcolor="transparent" bkimage="backgrounds/15.gif" border="none,4,gray" type=2 line=1 align=center use=ex num="0,black"]
دكتـور يادكتـور ياعـم دكتـور=قل هاه وسمـع كلمتـي ياطبيبـي
جيتك ونا يابيـه بالحيـل مجبـور=من جرحي الي مارضي يستجيبي
اجيك ابي منك الفوايد وبي شـور=وقول يمكن جـرح قلبـي يطيبـي
وخذت منك علاج جايز ومحـذور=وكلت منه وصار نومـي حريبـي
نومي على كوعي وكفي على زور=صدري وتسمع للظمايـر نحيبـي
ان كان ماتدري كشفت الك مستور=جرح(ن)بقلبي له سنه من طليبـي
اليا هدى تطري طواريـه ويثـور=مر يحضر معيه ومـر(ن) يغيبـي
وليا حضر طاريه كني على جـور=نار(ن)وهذي مـن رداوة نصيبـي
اصفق عليها الكف وقول ماجـور=ماجور ياقلـب العنـا وش يبيبـي
وش مصلحتها تنكر الـود وتبـور=لكن هـذا الوقـت كلـه غريبـي
تصدق مع المقبل ويجذبك ويـدور=ويتـرك مابيـن العنـا والمشيبـي
ون قلت وين وبان لك طارف النور=بعيونك الثنتيـن شفـت العجيبـي
شفت الخيانه خالطت كلمة الـزور=والصدق غايب والوفا ء بالمغيبـي
ون قلت قالو ثور قلت احلب الثور=ممكن يعود صاحبي عـن قريبـي
احـلام ياسلـوم يامكسـر الكـور=بلكي يصيب وممكن انـه يخيبـي
عرفت يادكتور وش جاب مقهـور=كل البلاوي مـن فعايـل حبيبـي [/poem]