إلى حبيبي وإليكم ............ مع التحية
[poem=font="Simplified Arabic,6,black,normal,normal" bkcolor="skyblue" bkimage="" border="none,4,gray" type=2 line=1 align=center use=ex num="0,black"]
من اللي يستحق انّك = تهلّ الدمع من شانه
أنا من دمعك آحنّك = ورووووحي حيل عتبانه[/poem]
[poem=font="Simplified Arabic,6,white,normal,normal" bkcolor="transparent" bkimage="backgrounds/22.gif" border="none,4,gray" type=2 line=0 align=center use=ex num="0,black"]
دخيل الكحل لا منه جمع كل السواد وجـاك = ينام من التعب ساعة بظـلّ جفـون نعسانـه
دموعك تزعج أحلامه إذا يوم الزمـن بكـاك = يسيح بوجنتك كنـّه ظـلام(ن) طاحـت أركانـه
ويذبل وردك اللي قد تبسّم في ربيـع شفـاك = يصير من الحزن مثلي غريب مضيّع أوطانـه
حبيبي لا تعذبني عسى كـل العمـر يفـداك = عسى من يجرح إحساسك يموت بكثرة أحزانه
أحط الكون في كفّه وفي كفّه أحـط رضـاك = وارجّح كفّتك واترك جميع الخلـق زعلانـه
أنا وش لي من العالم إذا دنياي من دنياك = إذ احساسي غدا لك شعب طايع وانت سلطانه
تدلل مثل ما ودّك متى قلبـي قـدر يعصـاك = وربي مايردك لـو رغبـت بقطـع شريانـه
حبيبي ما معي غيرك ولا عندي أحد يسـواك = ملكت احساس من حبك على فكره ووجدانـه
أنا والقلب نتسابق على كـف الولـه جينـاك = وأكيد بنلتقـي دام انـت عنوانـي وعنوانـه[/poem]
رد مع اقتباس
المشاركة الأصلية كتبت بواسطة محمد نايف العتيبي
