السلام عليكم ورحمة الله وبركاتة,,,
أقدم لكم هذه القصيدة المتواضعة ... وأرجوا من الله العلي القدير أن تنال على رضاكم واستحسانكم....
[poem=font="Simplified Arabic,5,black,bold,normal" bkcolor="transparent" bkimage="backgrounds/14.gif" border="double,4,gray" type=0 line=0 align=center use=ex num="0,black"]
(( بليز كول مي )) كل يومٍ دقيقه=وإن هي كثيره طالبك لو ثواني
(( آي لاف يو )) واعرف تراها حقيقه=(( نو لوف )) غيرك ساكنٍ في كياني
(( نو ثنق )) عمري بعدك اعيش ضيقه=بعدك (( بربلم )) عيش لحظه عشاني
(( قيف مي )) مجرد راي وافضل طريقه=من أجل أشوفك حلم قبل الأواني
من لهفتي روحي تراها غريقه=في بحر حبك يا فريد الحناني
أحلامي الولها لحبك شفيقه=سرقتني والشوق يمك خذاني
الناس عقبك جعلهم في حريقه=لنّك بقلبي ما معك شخص ثاني
الذاكره في داخلي ألف قيقه=تستوعب أروع قصةٍ في زماني
قصة غرامي لك تراها عتيقة=كتبت فيها احلا الجمل والمعاني
نجحت في حبك ونلت الوثيقه=بس المهم اللقا بقلبك مكاني
أتعبت روحي والحشا جف ريقه=راحت سنيني وانا لجلك أعاني
الروح عقبك همها ما تطيقه=والفرح عقبك ما بعمره طراني
أتعبتني با بو مشاعر رقيقه=حيرتني بين الرجا والأماني
وانا اعرف إني من سلاله عريقه=لا يهمك إن قالو فلان الفلاني
أخترت حبك بين كل الخليقه=هذا النصيب اللي لدربك هداني
أشتاق لك شوق الرفيق الرفيقه=واشتاق لك شوق السفن للمواني
وارثيك ما يرثي شقيقٍ شقيقه=ويشوف فيه الموت شوف العياني
واطريك ما يطري صديقٍ صديقه=وابكيك ما يبكي السجين المداني
شوقي لك أكبر مالعشيق العشيقه=ما اكذب عليك إن قلت حبك بلاني
تكفا ترا روحي بروحك عليقه=وموعد اللقيا شكاك وشكاني
علاقتي ويّاك صارت عميقه=واللي دعاك من الوله كم دعاني
واليوم أشوف الوصل تبغا تعيقه=فجأه بليا ذنب قلبك نساني
وش فيك حلمٍ في خيالي تفيقه=وش غيرك ياللي حنانك رعاني
وش جاك مني يوم دمعي تريقه=وش جاك مني يوم قلبك جفاني
وش غيرك يحلا ابتسامه عذيقه=تهون ذكرانا بذيك الهواني
وش هو الذهب من دون لمعة بريقه=وش هو الفرح من دون زف التهاني
والبحر وامواجه بليا مضيقه=ولا ّ التحدّي دون كسب الرهاني
وش هو المغنّي دون عزف الموسيقه=ولا ّ صلاله دون دولة عماني
وش هي الجبال الراسيات السحيقه=من غير نور يقبل يباني
قلبك عليه من الثنا ما يليقه= ومني أنا بالذات كل امتناني
خلاص ملّينا العهود الوثيقه=ما تدري اللي صار منك كفاني
اتذكرك والورد فايح رحيقه=واتذكرك لا شفت برقٍ يماني
ملّيّت أقلك هات تكفا طريقه=من اجل اشوفك حلم قبل الأواني[/poem]
أخوكم/ عبدالرحمن الشهري
رد مع اقتباس
-new.gif)
