يقول من عدى عـلا راس مرقـب
مرقاب مايرقاه با النـاس ملقـوف
يوم القوافي داخـل الـراس ملعـب
ماجيت اغنيهـا ولا نـي بملهـوف
جيت اشعل القيفان وسراجها اشـب
واحيي الي شاف يوم انـه يشـوف
ووجـه المعنـى لشخصـك مهـذب
عانا من الدنيا مسافـات وصـدوف
يفداك من ضيقـك ولانـي مكـذب
كل الـذي قربـك لياجيتـه يعـوف
الوقـت مالـه للوفييـن مـذهـب
وياقل من يبذل با الأجواد معـروف
وان كان قلبك يشتكي ضيقة الحـب
والحب يا بن الناس لاشك مكشـوف
ياصاحبي مال الهوى عندنـا طـب
غير السند كانك تبي نكتب حـروف
بشكي لك هموم لها القلـب يشـر
بشرب الذي مطرود مايامن الخـوف
يوم الغلا دمعه عـلا خـدي تقـب
منه احترق قلبي مثل حرقةالصـوف
وانا خذيت من امس بالضن مقلـب
غرر بي الي هل مع دمعـه حلـوف
وش حيلة الي فوق الأشعار منكـب
كنه من الي داخل القلـب مكتـوف
لاهـو تكلـم بـه ولا هـو تطلـبي
خاف من قولـة تحملـت مكلـوف
سكـت وموجـه دعـاوي لـلـرب
خطرن علي القلب من بعده يعـوف
لو با الشجاعه لي على الموت مركب
سليت ماهوسيف لوصالـه سيـوف
سليت سيف الحـق والحـق يغلـب
فرقت فيه الجمع وألحقتـه صفـوف
وصـلات ربـي للنبـي عدماهـب
وعداد مامرت سحابه على الجـوف
