طالع دموعي على فرقاك...صــوتــيه...!

[ناصر مطلق البقمي]

(((بسم الله الرحمن الرحيم)))
.
لـقلوبكم النقيه قصيده على الطرق الهجيني القصير
علها تحوز على رضاكم ...!



القصيده بالصــوت...

[rams]http://www.3mlag.com/njm/yaleel.amr[/rams]

[poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ياليل ثوب الظلام أرداك=في عين عاشق وولهاني
أموت بك بس ما أحياك=إلا مع المذن الثاني
فيك أتذكر ومن ذكراك=كن الحشا فيه نيراني
أتذكر اللي لا قال اهواك=حسيت حبه بشرياني
ياعين ياعين هلي ماك=ابطى حبيبي ولا جاني
ويا الخد ماءْ العين كان اسقاك=هذا مطر غيمة احزاني
ويالترف حزني ليا بكاك=ارجوك شفني وتقراني
طالع دموعي على فرقاك=يمكن مع الدمع تلقاني
أطيح مع دمعتي لرضاك=وهواجس الهم ترقاني
يالمترف اللي على ما جاك=فيك الغيا رد الاحساني
سبحان يالزين من سواك=ملاك في هيئة انساني
فالقد والحكي ومحياك=تقول مخلوق من شاني
قدك ليا مال في ممشاك=يشادي صْخاف الاغصاني
والحكي لا مر بين شْفاك=ترتيل تخشع له آذاني
والعين يا جعلني نفداك=في وصفها عين شيهاني
والرمش ليلٍ هجد جفناك=وجبينك بْروق الامزاني
ووجنتْك شمس المغيب وفاك=يالزين خاتم سليماني
ياوجد روحي على لاماك=لو بعدها إلبس أكفاني
اباك يا صاحبي وابغاك=وأنته على البعد تحداني
اما تجيني تحّث خْطاك=والا ابا انساك وانساني[/poem].

[مسلط المغيري]

ناصر البقمي



صح لسانك


قصيده رائعه


تشكر عليها

[خــــالـــــد]

[align=center]
ناصر البقمي
ـــــــــــــــــــــــــ ــــــ
سلمت

ودمت

يا جززززززززل

لا هنت يا ناصر

قصيدة رائعة
ـــــــــــــــــــــــــ ــــــ
أخوكـ/خالد
[/align]

[احمد الثبيتي]

ناصر البقمي

صح لساااااااانك

شاعر مبدع مبدع

لله دررررررك

احترامي وتقديري

[أبوعبدالرحمن]

ناصر البقمي

صح قلبك وكلك


وسلمت اناملك

جزلة ومن شاعر جزل



تحيتي ك

[نايفة شمر]

صح لسانك مليووون ولا يكفووون



الزعيمة

[منصور الثبيتي]

اخوي والله كنت تتلاعب بأحاسيسي تلاعب عبادي الجوهر بأوتار العود مير ما فيك حيله وفالك

قلوب الملايين والله لايحرمنا منك ومن كلماتك الراقية صدقا فأنا لا اعرف المجاملة .

تقبل مروري واقتحامي على جمال القصيدة بهذه الطريقة فقد اسكرتني طربا .

[ناصر مطلق البقمي]

مسلط المغيري
.
هلا وغلا
وصح بدنك ولاهنت
مرورك يسعدني دائماً
.
تقبل تحيتي وتقديري

[فالح المصعوك الغنّامي]

اخوي والله كنت تتلاعب بأحاسيسي تلاعب عبادي الجوهر بأوتار العود مير ما فيك حيله وفالك

قلوب الملايين والله لايحرمنا منك ومن كلماتك الراقية صدقا فأنا لا اعرف المجاملة .

تقبل مروري واقتحامي على جمال القصيدة بهذه الطريقة فقد اسكرتني طربا .

انا مثله بالضبط اي شي يطرب الرجل هذا يطربني

ناصر البقمي والله عذووووبه متناهيه وانا اخوك صح لسانك حتى انك ترضى

موووودتي

[حامد الروقي]

لله درك

وصح لسانك


الله يسعدك .

[محمد نايف العتيبي]

الله الله

الشاعر القدير : ناصر البقمي

بيض الله وجهك وصح لساااااانك مليوووون

قصيده رائعه وهجينيه جزززله ولاهنت



تقبل الود /


محمد بن نايف

[أمل عبدالعزيز]

,
,
,

الشاعر العذب ناصر البقمي :


ويالترف حزني ليا بكاك=ارجوك شفني وتقراني
طالع دموعي على فرقاك=يمكن مع الدمع تلقاني
أطيح مع دمعتي لرضاك=وهواجس الهم ترقاني
يالمترف اللي على ما جاك=فيك الغيا رد الاحساني
.
.
.

ويبقى حضورك مميز
وقافك أعذب
صح قلبك وكلك
ودام حرفك ببهاء
ولك أعذب تحية أيها البهي حيثُ ماهلّ نبضُك النقي...
.

[عبد الرحمن مازن العطاوي]

[align=center].
.


اباك يا صاحبي وابغاك
_______وأنته على البعد تحداني
اما تجيني تحّث خْطاك
________والا ابا انساك وانساني


ياحيّك انت وقصيدك يابو مطلق وبس :)


صح لسانك من هنا لمحلك


تحيتي لك

.
.[/align]

[ناصر مطلق البقمي]

خالد
.
لحضورك كل الألق
صح بدنك ولاهنت
تواجدك يسعدني دائماً
.
.
.
.
تقبل تحيتي وتقديري

[محمد بن ضاوي]

صديقي ناصر انت شاعر لايشق له غبار على ماقالو

والله مدري وش معناها بالضبط بس يورالي انها زانه هههههههههههههههههه

الحقيقه ياناصر ابياتك دائما اقراها بفكر واتعب واستانس بها

بس عندي ملاحظه على هالمقطع (ترتيل تخشع له آذاني)

ماقدرت اقراه مدري ليه؟



الف صح لسانك ياناصر ولا هنت