!! .. بدري عليك .. !!

[فهد بن عبدان]

لعلّها تجد حيّزاً
في قلوبكم !

.
بدري عليك
أشكي من فراقك
ومن صدّك وهجرانك
وأدوّر لك وأجيك !
وأخضع .. وأقول آسف
غلطت
وأستسمحك
والشوق يثني رجلي ورجلي
وأدنّق راسي لـــ ْراحة يديك !
وبْعَطف
أقبّلها
ولُطف
ملامحي .. خوف وخجل
وبــ همس أتمتم
وبــ عَجَل !
ندمان ياعمري
على اللي صار فيك
بدري عليك !
أنا على استعداد
أعيش العمروحداني
ولا اشتكي جور الظروف
ولا أصفّق بالكفوف
مايدري بـــْ ماكِنّ
في الخفّاق .. لا قاصي ولا داني !
تعبت أداري خاطرك
تقفي عن عيوني
وعن سمعي
وتاخذ لك على هذي شهور
لكِنْ رغم مافي البعاد أوجاع
أبقى ناطرك !
الى متى والجرح يلحق جرح
الى متى والحزن يذبح
كل لحظة فرْح !
أمد لك كف
الوفا
والشوق
والتّحنان
وأنت اتـ مدّ لي كف الشّقا
واتــ منّ في صوتك
وتخلف في مواعيد اللّقا
تهدم جسور الودّ
وبين الهزل والجَدّ
تبني للمفارق صرْح !
وأنا اللي حبّك من وَلَد
بين الحنايا العوج
ضمّيته طفل !
ولا انتظرته عام
مثل الناس
سوّيت له بَعَد مرور أول شهر
أكبر حفل !
حطّيت شمعه فوق خفّاقي
ومن العروق
الضاميه لك عشق
جمّعت الحضور
وأسقيتهم دمّي
قصَرْت أنا الدعوات
عن حزني وعن همّي !
ولا لقيت الاّ الجحود
لو بيني وبينك
مواثيق وعهود
أنا أحترق لك ... وأنت
يابارد .. اتعاملني افـ برود !
يامعذّبي
ماعاد باقي في حياتك
يوم للحب العفيف
وماعاد لــ أعلام الطهاره
فوق ساريْتِك رفيف
ماكانت أوضاعك كذا
كان الشرف لاجاع
يلقى في طبوعك له غذا !
وان كان حجّتك الزمان انّه تغيّر
كلّ ابن آدم
وابن حوّا
فوق هالدنيا .. مخيّر !

.

ودمتم

28 / 12 / 2007

[][ سما الدوحه ][]

أمد لك كف
الوفا
والشوق
والتّحنان
وأنت اتـ مدّ لي كف الشّقا



صح لسانك..
ولاهنت على جمال كلمك الرائع

تحياتي

[وجن محمد]

سوّيت له بَعَد مرور أول شهر
أكبر حفل !
حطّيت شمعه فوق خفّاقي
ومن العروق
الضاميه لك عشق
جمّعت الحضور
وأسقيتهم دمّي
قصَرْت أنا الدعوات
عن حزني وعن همّي !

صـــــح عليـــكـ .. هنا وجــدت حفــــظ للكرامـــة لم اعهـــدهـ من قبل !!

ابيات غاية في القوة والجمال والروعة ..


ماشاء الله عليك .. مشكوووور ربي يسعدكـ ..

[سود العيون]

الأخ الكريم : فهد بن عبدان


/

\



أبيات رائعة

من قلب ينبض / بنبض النقاء والبياض


مدهش أنت حد السماء يا عزيزي ..


/ صح قلبك

ننتظر عبيرك القادم




أختك سود