[poem=font="Simplified Arabic,4,black,normal,normal" bkcolor="transparent" bkimage="backgrounds/45.gif" border="groove,4,white" type=0 line=0 align=center use=ex num="0,black"]
احسب ان الحب حده برأس امي وابي=
جاهل واثر الغلى له حدود واجده =
واسمع بضيدان يشكي الهوى والأ كلبي=
قبل اعيش الحب والعين تمسي راقده =
عادني من دون غتره بطاقية صبي=
والعلوم أن جات مني سهود واهده =
ثم كبرت وذقت حب يخليني آحبي=
ولا قدرت اقول هاذي العلوم الواكده=
اشهد اني صابرً لين زاد بي اتعبي=
كم تجرعت الصبر ماحصل لي فايده =
واشهد أن الياس من فوق عاتق منكبي=
بانيً مبناه والحظ لقشر عاقده =
يازمان هد حيلي وكدر مشربي=
بعد شرب العذب ضيعت عد وارده =
ماجداي إلا اندب الحظ وأمسك بشنبي=
وآتذكر ماضيٍ بالسنين البايده =
وكل صوت لو تأكدت طفلً يلعبي=
احسب انه صوتها كثر ماني فاقده=
المسافة بيننا مثل جده عن دبي=
لاوغيرالبعد ناس(ن) ترد الشارده =
صرت وياها مثل طارشً ماينتبي=
سالفه تضرب على أهل الخطا المتباعده=
أغرقي ياعين واسقي من الدمع اهدبي=
واغسلي خدً شقاه الزمان وعانده =
واسبحي ياموجة الفكر هذا مركبي=
مركبً يرسي بوسط الهموم الكايده =
لا صديق ولا رفيق ينادي وش تبي؟؟=
فزعة المضيوم ماضن كنها سايده =
ساجعات الورق تكفين لا لا تطربي=
تحسبين ان المشاعر بقلبي بارده =
ولا تثيرين المشقوى تحسبينه غبي=
صوتك الشاجي يظيم الجروح الزايده =
ويانسانيس العصر يوم هبت مرقبي=
بلغي أزكى سلامي لذيك المارده =
وأخبريها اني مع الليل شبيت أحطبي=
واشرب دلال الهوى يوم صارت خامده =
بعد ماضاع الحبر والورق من مكتبي=
وقفت كل الأماني بجثه هامده =
أنهزمت وشامت الحال يخسى ويهبي=
ماعلي و الحب هاذي نهاية قايده =
المهم أن غايتي بالحلاوه مغربي=
أو مثل بنت النّور في البلاد النايده =
والله أنها شيخة الزين في لبس العبي=
تستحي منها نوال وحنان وعايده =
والزهر يخجل لما شافها مثل الظبي=
والبحر يرقص ولو موجة الماء راكده =
إن قريتي في قصيدي هلابك وارحبي=
وإن رحلتي فا نتي أسباب قافً قاصده =[/poem]
رد مع اقتباس
-new.gif)
المشاركة الأصلية كتبت بواسطة احمد مناحي الشمري
