,
,
,
,
.
.
.
مساؤكم سكر أيها الأنقيــــــــاء ...جديدي لقلوبكم....
.
[poem=font="Simplified Arabic,6,deeppink,bold,normal" bkcolor="black" bkimage="" border="ridge,9,indigo" type=2 line=0 align=center use=ex num="0,black"]
بعيد الشر ياقلبي عليك وفالك النسيان=ذهول الشعر مايطلب من عروقك سوى ذهوله
وانا ادري فيك متأثر كثير وضايق وزعلان=ولكن وسّع الخاطر فداك النت وعقوله
وانا في الشعر ماضاقت علي من البحور أوزان=تطاوعني بحور الشعر اذا حبيت بسهوله
يفور الشعر في دمّي من الشريان الى الشريان=واطول اللي عجز غيري من الباقين لايطوله
هويت الشعر يوم انّه شعور وعاطفه وانسان=يعيش بداخلي حاكم وكلّ العمر له دوله
جفا أو حب أو ضيقه .. غلا أو صدّ أو حرمان=قصيدي للملا يرسم لكل شعور مدلوله
يصوّر كل لحظاتي من الأفراح للأحزان=مشاعر عايشه فيني وبعض أحيان منقوله
أشوف الناس وأتخيّل مشاعرهم واكون لسان=لكلّ احساس يتكوّن وعذب الشعر مرسوله
واجي مثل المطر ديمه كريمه تروي العطشان=وتبقى ساحة الشعبي تراقب لحظة هطوله
واذا كان الشعر ساحه كبيره والقصيد حصان=حصاني ماخذل فكري ولاضيّع ولا جوله
ولو ثارت هواجسهم وراح فلان يمّ فلان=وصارت كل هرجتهم : كذا وشلون ؟ معقوله ؟
وطارت من سوالفهم عجاج وحيره ودخّان=وفاحت ريحة أعصاب الرزين وخبّط بقوله
ضحكت وقلت ياربي طلبتك ياعظيم الشان=تهوّنها على قلب الضعيف وخفّف حموله
بعيد الشر ياشعري عليك وفالك النيشان=ومالك غير - ياشعري - جنون الحرف وذهوله[/poem]
.
.
أمل بنت عبدالعزيز....