ادمنت حبه

[سلطان الـبـلوي]

السلام عليكم ورحمة الله وبركاته
مساكم الله بلخير مسأ احلا من حليب المصاغير
هذاي مشاركه واتمنا تعجبكم لخوي سلطان بن عادي







قال الذي حده على بدع اللحان
وشرف على بنات فكر وندبها
يذب صوته بين سجات وذعان
على طواريق المعاني سهبها
يتل قلبه بلمــعاليق شـــريان
تلت يمـــينن تلها في كربـــها
في ساعتن فيها غفت كل الذهان
ماحس فيها كود منـــهو حسبها
شوارد المعنا ثقــــيلات الوزان
يشدها هاجــــوس فكرآ سكبها
شاب الورق من مابقلبه ولا لان
ارها على الجزلات حتا كتـبها
ياسولته ياقـــــل مافيه سلوان
اسباب من قد السبب في سببها
الي تسببلي بهــــــجره للعيان
جعله وقود النار واول حطبــها
ترف الصبا عذب الما مطرق البان
مياس قد وكم اقلوبـــن عطبــــها
سبحان من صور جماله وسبحان
انشهد ان الي عطــــها وهبــــها
لاجيت اقرنها مع البيض شتان
اما بيــــ،ن انحاس وذهـــــبها
ولياوقف رمحن على راس مابان
وليا مشا درج القـــطا ماعجبها
ارواه ربــــه والبها فيه ريـــــان
قام يتغطرس بلعيون وهدبــــها
فريد جنسه ماخلق مثله انسان
كبر حض الي ولاه ونسبهــــــا
تلقالها ذكرا على مرالزمــان
بنت الرجال الي رفيعن نسبها
ادمنت حبه لين عديت الدمان
والارض ضاقت لو وسيعن رحبها
قم يانديبي بلملازيم والشاـــــــن
حملك ورق وانا عليه تعبــــها
اركب على نتدق الموريث اللمان
بلكـاش مشرها لمنهو حسبهـــا
من وارد الناغي به لحوش عمان
ياكم عيونن لاتهلت رهبهـــا
ان قلت صنعها مهو انس من جان
فوق المواتر صاغها ثم غصبهــا
ماكنها عذرا تماري بلوجـــان
بلملعبه ماحولها منة هزمهــــا
من فوق فــــل ابشن بـــــــيلان
الرابح الي جابها من نجبهــا
تنزع من الباطن وتسري مسيان
وتقوي يلي للمسافه ركبهـــــا
بى ام سبع اميه وخمسن احصان
بين المتر ماذكر من غلبهــــــــا
من شيشت ابن اسرور ولا اعبيلان
فول وقــــود النار ووزن حدبهــــا
ثم تلها تــلـت شفوقن وحدمــــان
للي هوا باله تنحــا جنبهــــا
مكنها دعجه هوت بين عقبـــان
شيهانت في عشها مارعبها
تسرح مساريح القطا يم نجران
ديرت ارجالن فعلها ماحجبها
واضح خله مايبي وصف عنوان
تلفي على الي ماتقره ارتبهــا
قله ترا ذلخط من يم سلطـــــان
وانتم تحلون البلش من نشبها
الا ياعوض ياصحبي ياكحيلان
انته عوض نفسن تزايد عضبها
انته شبيه الذيب والذيب سرحان
عدا على روس الطوال ورقبها
تبذل يمينك ماتغليت ا لثمــــــان
يمنن على فعل المراجل طربها
يمناك عدتبك ولك كم برهـــان
ماجور ياعودن جذبك وجذبها
روسان ياجهل عن افعال روسان
حمولتن ماغابت عنها شببهـــا
اشكي عليك الحال من كاينن كان
مسهوجتن واشيب قلبه رغبهـــا
ما انسه لوتنسأ بني يام شيبان
ولو تنقل الباطن وعوجاه ببها
ولو ينتقل لدبي سنجار وبـــان
برج العرب والعين عندي اعزبها
ولوتنكر المطران عرفا وعوجان
والصلب والصمان واقصا اهضبها
والشمري يزهق بحايل وبرزان
يترك معاميله عقب ماحضبهـــا
ولو يطردون الضيف طلقين اليمان
والضيف مايلقا القرا في عربها
ولو تنتقل وايل ورا ضلع شمران
وتنزل بعرعر ناس ماهي شعبهــا
ولو يقطعون السيف صبيان قحطان
وتترك هتلاها وتنزع ودبهـــا
ولو يتركون اهل الحساء كل بستان
ويجنبون انخيلها مع رطبهــا
وهل البحر تنزع من السيف بدوان
وتارد على لينه وتملا قربهــــأ
ما انساه دام الروح في وسط البدان
مادام روحي ربها ما سلابـــها
ودخيلها ماخايلو غر المــــزان
واون ونات تكسر عتبهــــا
وهذا ولك مني تحيه وعرفان
يامن فناجيل المراجل شربها
وســــلامتك الشاعر اخوي\\ سلطان بن عادي

[وجــــدان]

الأخ الشاعر سلطان البلوي

ماشاء الله عليك اخوي على هالجزاله والنفس الطويل

صح لسانك مليووون

تحيتي لك

[صلاح الأحمدي]

[align=center]
,’,

سلطان البلوي


صح بيانك وكلك ،، لاهنت
يسلم بوحك وروحك

مودتي


,’,
[/align]

[سلطان الـبـلوي]

مشكورين كل الشكر على مروركم وعلى الاشاده




تحياتي

[أبوعبدالرحمن]

سلطان البلوي

جزل جزل


صح قلبك وكلك

وسلمت اناملك


تحيتي لك

[محمد الروقي]

الله يسامحك قصيده مثل هذي المفروض تتقنها

وتحفضها عن الاخطا الاملائيه لانها كايفه وقد سمعتها كثير

وهذا اول تغييرك للشطر

ترف الصبا عذب الما مطرق البال

مطرق لبان

وصح لساااااااااااااانك ولسان اخوك

هذي هي الجزاله

[سلطان الـبـلوي]

مشكور اخوي محمد على مرورك

وعلى التوضيح بيض الله وجهك
ع العموم خطا املائي

احترامي