[align=center]السلام عليكم
الأعزاء في غرابيل الشعر والأدب
نص أجدد به حضور لم يعد كما كان
" شمس الرياض " نص عاطفي
أتمنى أن يرتقي لهاماتكم
شمس الرياض
[/align]
[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
لبيه يا من جتْ على حـزة اشـراق=لبيه يـا شمـس الريـاض وقمرهـا
لبيه يا صبـح ٍ علـى ضيّهـا فـاق=ضيّ انتشى بيـن الجبيـن ونحرهـا
ضيّ ٍ يغارن منـه تلعـات الاعنـاق=ضيّ ٍ يسـوق لكـل جـادل قدرهـا
شمس الشموس تحط ساق ٍ على ساق=تامـر ولا احـد ٍ بالخلايـق أمرهـا
يامن على عطر الزهر عطرها فـاق=يامن سـواد الليـل ضافـي شعرهـا
يامن غيابك محـرق ٍ قلبـي احـراق=وينك تولـى الـروح عقبـك كدرهـا
غبتي وانا يا سلوتي خاطري ضـاق=( مليت من كثر الوجيه وصورهـا )
ذقت الجفا ليت الوفـا منـك ينـذاق=لمشي دروب ٍ مـا حسبـت لوعرهـا
وارقا جبال ٍ به وبـه أنـزل اعمـاق=واهديك من عذب القصايـد دررهـا
واعاهدك ما انساك لو خضر الاوراق=تنسى على كل السواقـي شجرهـا
ما انساك لو ينسى المطر نوض برّاق=ما انساك لو تنسى المراكـب بحرهـا
يا كيف ابنسى اللي له الروح تنسـاق=يا كيف ابنسى اللي حياتـي عمرهـا
حبيبتي لوما العتـب منـك لـي راق=ما فاض من غيض المشاعر نهرهـا
هاتي وعد توفيـن واعطيـك ميثـاق=ما انساك لوتنسى عيونـي بصرهـا
هليّ قراح الحـب واسقيـه مشتـاق=يشتاقلـك شـوق النفـوذ لمطرهـا
جيتي وانا اللي للوصل كلي اشـواق=تثمر وانا اجني من غيابـك ثمرهـا
جيتي ولا ادري هو لقا يسبق افـراق=ولاّ نتـم اثنيـن عـيـن ونظـرهـا[/poem]
[align=center]
وسلامتكم
شاعر الهيل[/align]
رد مع اقتباس
المشاركة الأصلية كتبت بواسطة فايز آل بذال
