بسم الله والصلاه والسلام على رسول الله
قصيده من الارشيف عسى ان تنال استحسانكم وتسمو الى ذائقتكم ...
يا مطول الغيبه
[poem=font="Simplified Arabic,5,darkred,bold,normal" bkcolor="transparent" bkimage="" border="double,4,crimson" type=2 line=0 align=center use=ex num="0,black"]
يامطول الغيبه علي ما انت مسموح = وشلون اسامح من تعمد دماري
غبت ومعك غابت مع غيابك الروح = ورميتني بين الوهم والهذاري
مجروح قلبي منك ياشين مجروح = وآسف تراها ماترد اعتباري
حاولت اخفي لكن الشوق مفضوح = قل احتمالي يوم طال انتظاري
غصب (ن) علي ابين السر وابوح = انا احرقت قلبي مشاعيل ناري
مالي جدا غير اسهر الليل وانوح = وانته ولا كنك بدعواي داري
خليت باب القلب لرضاك مفتوح = ماجاب لي غير العنا والعزاري
خطاك عندي كثر مااخطيت مدموح = تخطي واقدم عن خطاك اعتذاري
الشكوى لله صرت بالحب مطروح= حتى قراري صار ماهو قراري
والحب ماهو لعب وضحوك ومزوح = ماهو سوالف للسمر والمساري
والبعد هم وغم واحزان وجروح = ودموع وآهات وحنين وطواري
البعد لقلوب المحبين ذابوح = والموت لا جا للتفاريق طاري
حتى لو ان لك في عنا القلب مصلوح= اسلوب قتل الحب ماهو حضاري
ماانته على هذه سواياك ممدوح = اخطيت ياللي بالقطاعه تماري
ماني بلا جاهل ولاني بسلتوح = تجرح مشاعر خاطري ماتداري
للحكي كانك تفهم الحكي منضوح = وللبعد بعيون المفارق مواري
اليوم والمخرج ملي روح واروح = صار اختيار البعد عنك اختياري [/poem]
وسلااااااااااااامتكم
رد مع اقتباس
المشاركة الأصلية كتبت بواسطة احمد مناحي الشمري
[/align]
