من زمااااااااان عنكم
يا مراحب بكم أحبابي في سالفتي أنا والحادث فور مي
<< طبعا مهوب أول واحد بس يعتبر هو الأخير والحصري
الزبده نطب في الغويط ونبدى لعبتنا وندق ولد الديمن
<<< وش جاب لجاب زبده وسباحه وبلوت هههههههههه
المهم <<< مدري وش دخله بس عاجبني هنا يذكرني بحاجات عاهه
في يوم مطير مشمس مع ظهور القمر مكتمل هلاله ومع إطلالة يوم جديد يأتيكم شاي الوزه البنفسجيه بنكهاته الجديده ولأول مره في المملكه بدون مزاز مره فك العلبه وأردفها وأنت ماشي
<<< أقول ليتهم رقدو :مزون:
كنت طالعن من الجامعه ذاك اليوم وصاكني القرف وحالتي صعبه .... عاد قولو ليش ؟؟؟ أقول لكم ليش
لأني طال عمركم من الساعه 7:00 أي أم (( يعني الصبح للي ما يعرفون اسباني )) الين الساعه 4:45 بي أم (( العصر)) وأنا منطقن في الجامعه حتى المفروض أني أطلع 5:00 بس أني مفرك قبل بربع ساعه من ضيقة الصدر
<<< أخص يا الي مفرك من الساعه تسع الحين :مزون:
المهم كنت ماسكن الخط السريع ووجهي شمال كنت أبي أروح للمعهد حقي الي هناك لأني بعد الدوام أروح ادرس انجليزي في معهد من 6:00 إلين 9:00 في الليل <<< يقطع أبو بليس القرف مسوي مجتهد الحين
طبعا هذا شرح حالتي ليش أنا قرفان ههههههههه عشان تقرفون معي وتعيشون الأكشن حق الفلم
<<< وين قراند سنما على غفله
المهم عديت إشارتن من الإشارات وكنت مسرع حبتين جا في خاطري أهدي مير أرفع رجلي عن الأبنص (( الدعسه حقت البنزيم )) وأمسك السايد الأيمن وأهدي
المهم جاني أنتصال مدري وشو طلعت الجوال وتلخبص في يديني وطاح <<< (( يالله غنو .. تعثر في طرف ثوبه وطير قلب محبوبه )) < استعجل حبتين :مزون:
المهم جلست أدوره ما لقيته وأنا أدور وأدور مير أحس أن فيه ضل شي كل ماله ويكبر قدامي يعني زول شين تسبير .. ما شلت همه بدايت الأمر بس يوم حسيت أن ألضل غطى السياره شاورت نفسي وقلت خل أخذ لي نظره بسيطه :مزون:
والحمد لله أني أخذت ذا النظره لأني لو ما أخذتها كان راح نظري كله :مزون:
وأطالع وأبقق عيوني زي الي يقول لنفسه لا تكفى قل أنه حلم قولو لي أنكم تمزحون لالالالالالالالالا مهوب صدق
وأحصل قلاب من القلابات الــ XXXXXXXL هذوليك الي يشيلون الحصى (( قلاب = تريله تشيل التراب والحصى لإخواننا من سومطره والسينيقال ))
المهم القلاب قدامي وأحس أنه يغني لي (( تعالى تعالى يا حبيب الألب تعالى )) مقفى القلاب زي الي وده ياخذني في أحظانه تخيلت أنه سوداني مادن يدينه بيسلم على خويه سلام العيد حقهم في الأحظان :مزون:
التفت يساري وفيه سياره يعني محجور يعني قابع قابع الله لايعوق بشر :مزون: يعني بجيب العيد قبل يومه
بس أبت نفسي الا أني أسوي قائد الراليات باخشب وأدخل بسيارتي بين التريله والسياره الي على يساري
وفعلن سويتها لكن السؤال الي يطرح نفسه هل دخلت السياره والا لا ؟؟؟
هنا الكلام ....
تبون تعرفون وش الي صار ؟؟؟
طيب أنزلو شوي حدر <<< يا شين ذا الحركات منيب أحبها :icon_bigg
طيب أدري أني ضيقت صدوركم بس تعرفون حركات الإخراج وشد المشاهد وزي تسذا :icon_conf
الزبده أنا طفشت صراحه ودي أقول لكم السالفه وأخلص
المهم وصلنا خلاص
سلمكم الله دعست وزدت على السرعه ولفيت يسار
ويجيكم عالم الوله مقققققققلللللللللللللعععع ععع ولاف الطارة يسار وبيدخل بين السياره والتريله
الا وعالم الوله يضف كفر التريله الأيسر ويدخل جنب التريله أو بالأحرى دخل وسط التريله :مزون:
المهم راعي القلاب مهدي أبو الشباب وأنا صقعت كفره الأيسر مره لأن الكفرات الي ورى تجي مدبله زي ما حظراتكم عارفين
المهم مهدي قلنا ومع الصدمه تعلقت سيارتي في كفر التريله وراعي التريله ما درى عني مكمل مشواره ماشي أحس أنه كان ياكل علك ويغني ولا هوب يمي
شكلي يوم صدمته قال :: الله يقطع عيون البساس ذا الي حاطينها في الطريق هالمطبات الصغيره :مزون:
والله ولا درى ولا حس حتى
المهم وقفوه الجماعه بعد طول إنتظار
أنا الإير باق أنفقع في خشتي :مزون: وسيارتي أنعدمت ويدي حسيت انها تبادلو هي ورجولي وحالتي صعبه
وأنزل من السياره وألقى العالم متجمعين علي الي جايب مويه والي جايب مناديل مدري وشو له المناديل المشكله :icon_bigg
المهم قمت أحك راسي وأطالع في السياره الي صارت زي شريحة التشكن برقر وذ تشيز في التريله :مزون:
لأن السياره صارت بين القلاب وكفراته يعني دخلت في وسط التريله في النص يعني
المهم وأنا أحك راسي لمست شي سايل بدون ما أدري كذا لا شعوريا وأنا أضحك ترى طول ما أنا أطالع السياره مدري وش الي يضحكني (( شر البليه صكه وأستريح ))
الزبده قطر راسي دم وفهمت الحين ليش جايبين لي مويه ومناديل <<< توه يفهم أبو الشباب بدري:مزون:
رحت للطواري بالاسعاف وانا فرحان حدي < اول مرة يركب اسعاف :مزون:
حسيت نفسي في مسلسل القرار الاخير الحلقة الاخيرة :مزون:
المهم لمن رحت للطواري لقو أن عندي يدي مرضرضه وراسي فيه جرح صغير بغو يحطون غرز بس قالو ما يحتاج بيلحم بنفسه لأنه زلطه يعني مخشه بسيطه
والظاهر أنه من عقب الحادث وأنا حاس أني ملتمس صراحه أحس أن فيني زيادة كهرب :مزون:
وتوته توته خلصت الحدوته
أدري طولت عليكم لأني تعبت وأنا أكتب صراحه
وفي الختام أربطو الحزام <<< بيت شعر يصلح لأسبوع المرور تصدقون :مزون:
يالله في أمان الله