[align=center][align=center]
[align=center][img]http://3yoonh.********************************************/fwasel/3ebarat/17.gif[/img][/align]
[align=center][img]http://3yoonh.********************************************/fwasel/3ebarat/13.bmp[/img][/align]
[align=center]مساء الخير جميعاً...أهدي لكم هالمقتطفات الشعريه من قصائدي ... وسامحوني على الأطاله ....[/align]
[blink][align=center]صقر العروبه[/align][/blink]
[poem=font="Simplified Arabic,6,black,bold,normal" bkcolor="transparent" bkimage="backgrounds/18.gif" border="none,4,gray" type=2 line=0 align=center use=ex num="0,black"]
الاسم/ عبدالله ابن عبدالعزيز آل سّعود= العمر/ تاريخ ٍ مضى ولليوم حافل بالعطا
المهنه/ حاكم ديرةٍٍ ٍ تشـهد له بصدق الوعود=ويابختها من ديرةٍ ٍ فيها ابو متعب وطا
مانقول الا ياعـسى (صقر العروبه )بالوجود =ومانقول الا ياعسى - تسلم لنا ذيك الخُطا
[/poem]
.
.
.
[align=center]الارهاب[/align]
[poem=font="Simplified Arabic,6,black,bold,normal" bkcolor="transparent" bkimage="backgrounds/18.gif" border="none,4,gray" type=2 line=0 align=center use=ex num="0,black"]
يانجــود لاتــبكين باكر تشـوفين =اللي قتل (وجـدان) وشلون يندان؟
قومي البـسي يانجـود احلى الفساتين = وقومي اهتفي يحيى الوطن أغلى الاوطان
[/poem]
.
.
.
[blink][align=center].
ماهي غريبه[/align][/blink]
[poem=font="Simplified Arabic,6,black,bold,normal" bkcolor="transparent" bkimage="backgrounds/18.gif" border="none,4,gray" type=2 line=0 align=center use=ex num="0,black"]
ماهي غريـبه يوم سـالت دموعك =مالوم انا قلبك ولالوم دمعتك
خل المشـاعر تفضح أجمل طبوعك =لأجل الخلايق ترتــوي من محبتك[/poem]
.
.
.
[blink][align=center]التواضع[/align][/blink]
[poem=font="Simplified Arabic,6,black,bold,normal" bkcolor="transparent" bkimage="backgrounds/18.gif" border="none,4,gray" type=2 line=0 align=center use=ex num="0,black"]
ياخي ولو مره تواضــع وسلم = ترا السلام يرد كيد الشــياطين
المشكله " خابرك شخـص متعلم ! =تفهم بأصــول الخلق,وماتجهل الدين
[/poem]
.
.
.
.
.[/align]
.
.
.
.
[blink][align=center]شاعر الجيل[/align][/blink]
[poem=font="Simplified Arabic,6,black,bold,normal" bkcolor="transparent" bkimage="backgrounds/18.gif" border="none,4,gray" type=0 line=0 align=center use=ex num="0,black"]
من قال لك اني انا شـاعر الجيل؟ =ياخي انا شاعر على قد حالي
راضي بشعري و(مقتنع) فيه بالحيل = وقناعتي وعفويتي راس مالي[/poem]
.
.
.
[blink][align=center]الام[/align][/blink]
[poem=font="Simplified Arabic,6,black,bold,normal" bkcolor="transparent" bkimage="backgrounds/18.gif" border="none,4,gray" type=0 line=0 align=center use=ex num="0,black"]
ألام دوله مالها أي حكام= ياويل منه بالظليمه حكمها
الله توعد من ظلمها بالأعدام = في نار خلدٍ تستلذ بحممها[/poem]
.
.
.
[align=center]الزله[/align]
[poem=font="Simplified Arabic,6,black,bold,normal" bkcolor="transparent" bkimage="backgrounds/18.gif" border="none,4,gray" type=0 line=0 align=center use=ex num="0,black"]
اذا المولى إله الكون (تعالى) يغفر الزلات= مين تكـون أصـلاً (انت) لأجل ماتغفر الزله!
اذا (عندي)انا غلطات ترا(عندك) بعدغلطات= تواضع وابتسم واصفح ونصيحه هالكبر خله[/poem]
.
.
.
[blink][align=center]المعنى[/align][/blink]
[poem=font="Simplified Arabic,6,black,bold,normal" bkcolor="transparent" bkimage="backgrounds/18.gif" border="none,4,gray" type=0 line=0 align=center use=ex num="0,black"]
اذا ودك تعرف الشاعر (الأصلي) من (التقليد) =فلاتهتم في (أسمه) وفي (أصله) وجمهوره
تأمل دوم بأبياته واترك عـنّك التمجيد =وركز لي على (المعنى) عشان تكون في الصوره[/poem]
.
.
.
[blink][align=center]المظاهر[/align][/blink]
[poem=font="Simplified Arabic,6,black,bold,normal" bkcolor="transparent" bkimage="backgrounds/18.gif" border="none,4,gray" type=0 line=0 align=center use=ex num="0,black"]
ياما نصحتك خل عنـك المظاهر =الى متى ياخوي ماعندك أحساس؟
(الفقـر) ماهو عيـب يابو جواهر =العيب والله مـدّت ايديك للناس[/poem]
.
.
.
[blink][align=center]ذكريات الطفوله[/align][/blink]
[poem=font="Simplified Arabic,6,black,bold,normal" bkcolor="transparent" bkimage="backgrounds/18.gif" border="none,4,gray" type=0 line=0 align=center use=ex num="0,black"]
يافهد تسأل عن أجـمل ذكرياتي =أجمل الذكـرى هي أيام الطفوله
الطفوله يافهد شمعة حياتي =بس حسافه!! مرّت بلحظه عجوله[/poem]
.
.
.
.
[blink][align=center]طعم الصداقه[/align][/blink]
[poem=font="Simplified Arabic,6,black,bold,normal" bkcolor="transparent" bkimage="backgrounds/18.gif" border="none,4,gray" type=0 line=0 align=center use=ex num="0,black"]
وين ابلقى لي صـديق في زمانه محترم=يمتلك أعلى شهـاده في دروس الأحترام
وين ابلقى لي صـديق لاتكلّم ماظلم =وان ظلم لاقاله الله كفر وصلى وصام[/poem]
.
.
.
.
[blink][align=center]لاتاثقين بكلامي[/align][/blink]
[poem=font="Simplified Arabic,6,black,bold,normal" bkcolor="transparent" bkimage="backgrounds/18.gif" border="none,4,gray" type=0 line=0 align=center use=ex num="0,black"]
شاعر انا لاتاثقين بكلامي ! = لاقلت اصونك يمكن اني اخونك
كم قلت لك انك وحيدة غرامي؟ = وانا بغرامي عشرة يشبهونك[/poem]
.
.
.
[blink][align=center]يعني عشاني [/align][/blink]
[poem=font="Simplified Arabic,6,black,bold,normal" bkcolor="transparent" bkimage="backgrounds/18.gif" border="none,4,gray" type=1 line=0 align=center use=ex num="0,black"]
قاعد لحالك -- ولاقد جيت في بالك! =وش فيك ساكت علامك ماتعلمني؟
يعني عشاني احبك واعشق وصالك = تقعد تغلى علي وماتكلمني[/poem]
.
.
.
[blink][align=center]الشوف [/align][/blink]
[poem=font="Simplified Arabic,6,black,bold,normal" bkcolor="transparent" bkimage="backgrounds/18.gif" border="none,4,gray" type=1 line=0 align=center use=ex num="0,black"]
أخذ الذي تبغاه بس اترك الشوف =لامن أخذت الشوف - وشلون أشوفك؟
متى على الله ترحم الحال وتروف؟ = ياللي ذبحت المقتنع في وصوفك[/poem]
.
.
.
[blink][align=center]زعلان[/align][/blink]
[poem=font="Simplified Arabic,6,black,bold,normal" bkcolor="transparent" bkimage="backgrounds/18.gif" border="none,4,gray" type=1 line=0 align=center use=ex num="0,black"]
مادري علامـك دايم الدوم زعلان؟ = هل هو زعل من جـد ولاتغلي؟
شتان مابين الأمّرين شتان =وكانه سبب ثالث لك الله قلي؟[/poem]
.
.
.
[blink][align=center]شامخ[/align][/blink]
[poem=font="Simplified Arabic,6,black,bold,normal" bkcolor="transparent" bkimage="backgrounds/18.gif" border="none,4,gray" type=1 line=0 align=center use=ex num="0,black"]
انت تحفه وانت شخصيه ورزه =ورزتك...... ماله مثيل ولاموازي
انت شامخ كالجبل مـحدٍ يهزه = انت ذخري وانت فخري واعتزازي
[/poem]
.
.
.
[blink][align=center]العمر غالي[/align][/blink]
[poem=font="Simplified Arabic,6,black,bold,normal" bkcolor="transparent" bkimage="backgrounds/18.gif" border="none,4,gray" type=1 line=0 align=center use=ex num="0,black"]
دمك ثقيل ..وهرجـك اليوم بارد =و كانك تغلى روح دور بدالي
الى متـى ياهيه .سارح و شارد =ارفق على عـمرك ترا العمر غالي[/poem]
.
.
.
[blink][align=center]لاتبتليني[/align][/blink]
[poem=font="Simplified Arabic,6,black,bold,normal" bkcolor="transparent" bkimage="backgrounds/18.gif" border="none,4,gray" type=1 line=0 align=center use=ex num="0,black"]
غطي عيونك كل ماجيت صوبك = لاتبتليني .. ماني بحمل بلواك
دوبك علي ياهيه...تكفين دوبك = لين الله يفرجها علي ..... واتعداك[/poem]
.
.
.
[blink][align=center]انتبه[/align][/blink]
[poem=font="Simplified Arabic,6,black,bold,normal" bkcolor="transparent" bkimage="backgrounds/18.gif" border="none,4,gray" type=1 line=0 align=center use=ex num="0,black"]
وقف على الشاطئ وعدد ذنوبك =بس انتبه !لا تتجه صوب الامواج
اخاف تـغرق وبعدها مااشوفك =وانت الوحيد اللي من الناس احتاج[/poem]
.
.
[blink][align=center]لاتعيديها[/align][/blink]
[poem=font="Simplified Arabic,6,black,bold,normal" bkcolor="transparent" bkimage="backgrounds/18.gif" border="none,4,gray" type=1 line=0 align=center use=ex num="0,black"]
قلت اسمعي ماقلتها زيف وغرور=كلمتك هذي امانه لاتعيديها
ماني على طـرد الملذات مجبور=و(الحاجة) اللي تهين النفس مابيها[/poem]
.
.
.
[blink][align=center]طفله[/align][/blink]
[poem=font="Simplified Arabic,6,black,bold,normal" bkcolor="transparent" bkimage="backgrounds/18.gif" border="none,4,gray" type=1 line=0 align=center use=ex num="0,black"]
طفله وطـت باقدامها عشبة الشوك = ورغم الألم كأنها ماوطتها؟
مرت بجنبي وكـلها اسرار وشكوك =أثره تدور لعبة ٍضيعتــها؟؟[/poem]
.
.
.
[align=center]على غيري[/align]
[poem=font="Simplified Arabic,6,black,bold,normal" bkcolor="transparent" bkimage="backgrounds/18.gif" border="none,4,gray" type=1 line=0 align=center use=ex num="0,black"]
العب على غيري ترا الوضع مكشوف = يامنتهز من قلب فرصة غيابي
وان كنت ياللعاب مانته بمكسوف! = والله - ماتفرح بلحظة عذابي[/poem]
.
.
.
[blink][align=center]الكذب[/align][/blink]
[poem=font="Simplified Arabic,6,black,bold,normal" bkcolor="transparent" bkimage="backgrounds/18.gif" border="none,4,gray" type=1 line=0 align=center use=ex num="0,black"]
والله ثم والله ماطـيق انا الكذب = وماقد كذب ياهيه من قال والله
دامك سألتيني عن الموقف الصعب؟= فرقاك اصعب شي بالكون كله[/poem]
.
.
.
[blink][align=center]سيد الاذكياء[/align][/blink]
[poem=font="Simplified Arabic,6,black,bold,normal" bkcolor="transparent" bkimage="backgrounds/18.gif" border="none,4,gray" type=1 line=0 align=center use=ex num="0,black"]
كبريائك-- أصل كل الكبرياء = وعنفوانك سـْد كل العنفوان
ليــش لا, وانت سيد الأذكياء؟؟ =يحرسك مولاك من غدر الزمان[/poem]
.
.
.
[blink][align=center]التحدي[/align][/blink]
[poem=font="Simplified Arabic,6,black,bold,normal" bkcolor="transparent" bkimage="backgrounds/18.gif" border="none,4,gray" type=2 line=0 align=center use=ex num="0,black"]
دامك تحداني-- قبلت اتحداك =.لاكن ابيك تكون قد (التحدي)
ابغاك تهزمني الياحـان لقياك =وابغاك تثبت انك اليوم قدي[/poem]
.
.
.
[blink][align=center]خلك على الدين[/align][/blink]
[poem=font="Simplified Arabic,6,black,bold,normal" bkcolor="transparent" bkimage="backgrounds/18.gif" border="none,4,gray" type=1 line=0 align=center use=ex num="0,black"]
مابيك (تثقل)-ترا بعض الثقل مو زين = خلك على الدين وأحزانك تجاهلها
أضحك وضحكـني معك ياأريش العين = ضحكتك عندي تساوي (الدنيا) بأكملها[/poem]
.
.
.
[blink][align=center]الحظ[/align][/blink]
[poem=font="Simplified Arabic,6,black,bold,normal" bkcolor="transparent" bkimage="backgrounds/18.gif" border="none,4,gray" type=1 line=0 align=center use=ex num="0,black"]
أكبر ويكبر هاجس الهم فيني =ياليت عمري يرجع سنين (وأصغر)
لاقلت زان الحظ-- فجأه يشيني = ياشين حـظ الآدمي لاتعثر [/poem]
.
.
.
[blink][align=center]نفس الكلام[/align][/blink]
[poem=font="Simplified Arabic,6,black,bold,normal" bkcolor="transparent" bkimage="backgrounds/18.gif" border="none,4,gray" type=1 line=0 align=center use=ex num="0,black"]
كلهم نفـس الكلام= كلهم يتشـــابهون
حب واخلاص وهيام = وفي النهايه يخدعون[/poem]
.
.
.
[blink][align=center]العيد[/align][/blink]
[poem=font="Simplified Arabic,6,black,bold,normal" bkcolor="transparent" bkimage="backgrounds/18.gif" border="none,4,gray" type=1 line=0 align=center use=ex num="0,black"]
العام كنا ننتـظر مقدْم العيد =واليوم ماللعيد يابنت طاري؟
مادري السبب هو بختلاف المواعيد =ولا قرارك يختلف عن قراري[/poem]
.
[blink][align=center]تعال سير[/align][/blink]
[poem=font="Simplified Arabic,6,black,bold,normal" bkcolor="transparent" bkimage="backgrounds/18.gif" border="none,4,gray" type=1 line=0 align=center use=ex num="0,black"]
مابيك تجلس ثواني وتعـتذر وتروح =من جد مليت من كثرة تصاريفك
تعال سير -- ترا باب (الغلا) مفتوح = ودي اشوفك وأشبع من سواليفك[/poem]
.
.
.
[align=center][blink]اخرى[/blink][/align]
[align=center]زحمة خريص[/align]
[poem=font="Simplified Arabic,6,black,bold,normal" bkcolor="transparent" bkimage="backgrounds/18.gif" border="none,4,gray" type=2 line=0 align=center use=ex num="0,black"]
ودك على رجليك تمشي دايم =مادام درب "خريص" كله زحمه
منها تحرك دمك المتجمد=ومنها تنال المغفره والرحمه[/poem]
[blink][align=center]تسحيب ماجد[/align][/blink]
[poem=font="Simplified Arabic,6,black,bold,normal" bkcolor="transparent" bkimage="backgrounds/18.gif" border="none,4,gray" type=2 line=0 align=center use=ex num="0,black"]
خلاص يكفي لامتى هالألاعيب=مليت من قولت عزيزٍ وغالي
سحّبت في قلبي مع الوقت تسحيب= تسحيب ماجد في الدفاع الهلالي[/poem]
[align=center]بدري عليك[/align]
[poem=font="Simplified Arabic,6,black,bold,normal" bkcolor="transparent" bkimage="backgrounds/18.gif" border="none,4,gray" type=2 line=0 align=center use=ex num="0,black"]
ولو بك مزايا ماجحدنا مزاياك =ولو لك حقوقٍ مابخسنالك حقوق
ولو هي على زينك وشينك قبلناك = بس البلا انك شين وظالم ومطفوق[/poem]
[align=center]وسلامتكم[/align][/align]