طمعاً في التواصل
مع النخبه هنا ... !
.
ليه أنتظر
ملّ انتظاري الانتظار
كم لي وأنا
آحب وأشتاق وأغار !
ياللي
كسرت
وماجبرت
أقفيت حتى ماالتفتّ
ومااعتذرت .. !
صارت مواعيدك
مثل ضوح السراب
وظنيت فيك
تروف بي وتحن
ظنّي فيك خاب
ولو نلتقي .. وودّي
أناظر في عيونك
حب وأشواق وحنان
الله ياكبر المصاب .. !
تسقيني من كاسك
ألم وصدود
وصنوف العذاب
ماكنّي اللي شلتك بيدّي
وخليتك ملاك
وماكنّي اللي يوم أنجيتك
من دروب الهلاك
مدري أنا مقصّر معك
في شي ..!
ولاّ ماني بْ لك
و أنت منتب ليّ ..!
يا اقسى من طعون
الشّلَف والرّمح
والسيف الشطير
اجرح وعذّب
لاتخاف
فاتورة التعذيب
ادفع بس
كلمة اعتراف ... !
انّك تجافيني عشان آموت
وآنا حي ..!
ماباقي الاّ آلملم شتاتي
وأسافر للبعيد
وأسكن وسط ربعي
وهَلي وناسي .. وأعيش
بزحمة العالم وحيد .. !
وأترك نجوم الليل
لعيونك وساهرها
بشوف وشلون
اتّحمّلها
من أوّلها لآخرها
جرّب تِعرف انسان
غيري وتهواه
حبّه كثر ماتقدر
تحبّه
وراعه
سكّن أوجاعه
ولا أوصيّك .. وصْلك والوفا
والسّمع والطاعه
واذا أخطا عليك بيوم
ازعل .. واقلب الدنيا
على راسه
ولا تدمح خَطاه .. !
والله ما يتحمّلك
مثلي أحد في الكون كلّه
ياسنا شمسه
ونسناسة براده
يادفا ظلّه
الله يعوضني ويخلف
هقوتك فيني
وألاقي اللي
على فرحي يهنيني
وفي حزني يواسيني
ويملا حبّي الطاهر شرايينه
ويملا حبّه الطاهر شراييني
على ايدينه أبنسى
كل ليله كان فيها الحزن
يِسهِرني ويَقهَرني
وأنا أدوّر وصالك
وأنت هاجرني !..
فهد بن عبدان
3 / 4 / 2007
رد مع اقتباس
