[poem=font="Simplified Arabic,5,deeppink,normal,normal" bkcolor="transparent" bkimage="backgrounds/28.gif" border="groove,10,indigo" type=1 line=0 align=center use=ex num="0,black"]
العيد قرب والتهاني لها دور = وكل على خله بيرسل رساله
مجبور ياقلبي من البعد مجبور = ومجبور ياقلبي من اللي جراله
لاتعتذر معذور معذور معذور = ادري غلطت ابرقمنا والرساله
عمرت في قلبي عمارات واقصور = سبعة قصور وكل قصر ِ لحاله
عمرتها بالحب دور وراى دور = والفكر يملكها بواسع خياله
وفرشتها من مهجتي ورد وزهور = وحققت له ماكان يخطر ابَاله
واصارت علاقتنا مثل بيت مهجور = بيت ٍ به الاشباح تسكن بجاله
مرت عليه اسنين وايام واشهور = وبيت ٍ غلط لازم تجيه الازاله
يكفي لعب يكفي تفاهات واغرور = منتي كفو والقلب قصب حباله
جرحي عميق ولانفع فيه دكتور = ولحد ٍ عرف بالقلب واللي جراله
حقك علي اقول روح ومشكور = عيدك مبارك بس كل ٍ بحاله
انا لقيت اللي له القلب مسرور = واللي سكن بالصدر والهم شاله
عهد ٍ علي اصون ياشمعة الحور = سر العيون اللي حجبها بشاله [/poem]
رد مع اقتباس
المشاركة الأصلية كتبت بواسطة نشمي مقعد العتيبي
[
