ليالي رمضان الحلقة الرابعة .. مع [ هلالي الشرقية ]

[ناعمة]

السلام عليكم ورحمة الله وبركاته

:

وحا نحنُ مع تكلمة برنامجنا

[ الحلقة الرابعة ]

واليوم عزمنا ضيفنا ومارديناه :مزون:

العزومة على فنجان كابتشينوا + تشيز كيك



وكلته الدبه بسومة عني :زعلان:

لكن بالعافية :اموه:





بســـ أمل ــــمة:السلام عليكم ورحمة الله وبركاته اليوم ضيفنا عزيز علينا ونقوله

مساء الخير اخوي

هلالي الشرقية:
مساء الخير

بســـ أمل ــــمة:
كل عام وانت بألف خير ينعاد عليك يارب

هلالي الشرقية:
وانتي بخير وصحه والله يوفقنا لصيامه وقيامه

بســـ أمل ــــمة:
الله يسمع منك

هلالي الشرقية:
امين

بســـ أمل ــــمة:
كيف رمضان معك هالسنة ؟

هلالي الشرقية:
الحمد لله رمضان كله خير ونعمه

بســـ أمل ــــمة:
اكيد ... وكيف الدوام معك ...؟

هلالي الشرقية:
الدوام في رمضان نقدر نقول ثقيل

بســـ أمل ــــمة:
متعب نوعا ما ...

هلالي الشرقية:
نقدر نقول متعب

بســـ أمل ــــمة:
أكيد نحتسب الأجر .... وننتظر المكرمة ...

هلالي الشرقية:
اكيد المكرمه للطلاب والمدرسين
مالنا فيها نصيب

بســـ أمل ــــمة:
الله يعطيك العافيه يارب
طيب اخوي لو أسألك تذكر أول رسالة تهنئة بقدوم رمضان جاتك من مين ؟

هلالي الشرقية:
اول رسالة جاتني من اختي

بســـ أمل ــــمة:
واول رساله ارسلتها ؟

هلالي الشرقية:
اخوي محمد

بســـ أمل ــــمة:
الله يخليهم لك يارب

هلالي الشرقية:
اللهم امين

بســـ أمل ــــمة:
طيب اخوي كيف يومياتك تكون برمضان ؟

هلالي الشرقية:
اول الصباح 9 بالدوام

بســـ أمل ــــمة:
وبعد رجعتك تفضل انك تنام او عندك شي معين تسويه

هلالي الشرقية:
انام الى وقت الفطار

بســـ أمل ــــمة:
ماشاء الله
يعني ماتساعد في تحضير الفطور ابدا

هلالي الشرقية:
اصلا نطلع من الدوام الساعه 3 ونصف
الاهل فيهم الخير والبركه اساعد ايام الخميس والجمعه اما ايام الدوام صعبه مانقدر

بســـ أمل ــــمة:
بصراحه مع عمل الرجل في المطبخ او ضد ؟

هلالي الشرقية:
مع

بســـ أمل ــــمة:
حلووو

هلالي الشرقية:
الرسول صلى الله عليه وسلم قدوتنا كان يساعد اهل بيته

بســـ أمل ــــمة:
اللهم صلي وسلم على سيدنا محمد وعلى اله وصحبه اجمعين

هلالي الشرقية:
عليه الصلاة والسلام

بســـ أمل ــــمة:
طيب اخوي عندك اطباق معينة تفضلها برمضان ؟

هلالي الشرقية:
القطايف اهم اكله عندي في رمضان
والشوربه والثريد والسموبسه وشراب الفيمتو

بســـ أمل ــــمة:
الحلى يحلى اكثر برمضان

هلالي الشرقية:
جوعتيني

بســـ أمل ــــمة:
هههههه
ايش الثريد ؟ اول مره اسمع عنه

هلالي الشرقية:
الثريد خبز الرقاق مع المرق والخضرة
خبز المسح

بســـ أمل ــــمة:
اها بالعافيه

هلالي الشرقية:
معروف

بســـ أمل ــــمة:
اختك في الله ميح في المطبخ بس والله ماسمعت عنه يمكن عندنا بمسمى ثاني

هلالي الشرقية:
ممكن

بســـ أمل ــــمة:
يعني ممكن تختلف المسميات

هلالي الشرقية:
صحيح

بســـ أمل ــــمة:
طيب اخوي بعد الصلاة والفطور ؟ ش تفضل تشوف برامج او تغفى لك شوي ؟؟؟

هلالي الشرقية:
اصلي وارجع نكمل الفطور ويكون الشاي والقهوه جهزت ونشوف طاش ماطاش وغشمشم وبرامج خفيفه من هنا وهنا

بســـ أمل ــــمة:
يعني وقت الاذان يكون الفطور تمر ولبن او موية بس بدون اكلات دسمة وبعد الصلاة تكملون باقي الاكل ؟

هلالي الشرقية:
والله احنا نحط كل شي قبل الصلاة

بســـ أمل ــــمة:
اي بس الوقت يكون قصير ؟

هلالي الشرقية:
ونصلي ونرجع نكمل

بســـ أمل ــــمة:
صحتين يارب
وبعد كذا طبعا التراويح ...

هلالي الشرقية:
صحيح يكون قصير
بعد كذا صلاة العشاء والتراويح

بســـ أمل ــــمة:
بعد الصلاة ش يكون نظامك .. يعني زيارات .. او تجلس مع الأهل .. او مع اصحابك ؟

هلالي الشرقية:
اول رمضان يكون زيارات عائلية نبارك الشهر للعمام والخوال والعمات والخالات
وانا عندي ديوانية في البيت عباره عن خيمه يجتمع فيها الاصدقاء كل يوم

بســـ أمل ــــمة:
اها حلووو
بس اليوم كان من نصيبنا اننا شفناك بالكوفي وصدناك

هلالي الشرقية:
اكيد وهذا حظي الكبير

بســـ أمل ــــمة:
تسلم
طيب اخوي تفضل السهر بليل رمضان والا الدوام يجبرك ع النوم ...

هلالي الشرقية:
لا والله السهر مع الاصدقاء والاهل ومشاهدة التلفاز
النوم يكون متاخر جدا
واحيانا بعد الفجر

بســـ أمل ــــمة:
للسحور تسهر مثلا تتسحر وتصلي وتنام او قبل

هلالي الشرقية:
غالبا اتسحر واصلي وانام

بســـ أمل ــــمة:
اخوي هلالي فنجانك لا يبرد



ناخذ الفاصل

[ناعمة]

[ فرّفِــــش مّعنا ]




:



:



:



:



:



:



:



:

[ناعمة]

بســـ أمل ــــمة:
والله هالدوام برمضان ماخلى لنا راحة ولا نحس بطعم رمضان

هلالي الشرقية:
صحيح والله
انا مااحس برمضان الا اخر عشر ايام اخذ اجازه وطلع مع الاهل مكه

بســـ أمل ــــمة:
يالله الحمد لله على كل حال ...
طيب اخوي في ظواهر معينة تلحظها برمضان ممكن انها تضايقك يعني هي موجودهـ بالايام العادية بس تتزايد برمضان
او ظاهره مخصصة برمضان ؟

هلالي الشرقية:
اول ظاهره والكل يشاهدها ظاهرة شراء كمية كبيرة من المواد الغذائية وكاننا داخلين على مجاعه مو على شهر كريم
الاسراف ظاهره سيئة جدا

بســـ أمل ــــمة:
اكيد ... وكأنه رمضان شهر الاسراف ...
بس هالسنة في ظل هالظروف يعني الغلاء واجتماع 3 مواسم في وقت ثاني ( رمضان ودراسه وعيد ) مااعتقد بيكون فيه تبذير

هلالي الشرقية:
البعض للاسف لايتوقف عن فعل الامور المحرمه والخطا في هذا الشهر الفضيل ولكن يستمر

بســـ أمل ــــمة:
بالضبط اكثر مايزعجني هو صوت الاغاني بالشوارع وتكون التراويح او حتى بغير وقت الصلاة

هلالي الشرقية:
صحيح

بســـ أمل ــــمة:
في امنية محدده تتمنى حصولها لك في هالشهر ؟

هلالي الشرقية:
اتمنى ان الله سبحانه وتعالى يصلح حال الامه الاسلامية في العراق وفلسطين وافغانستان

بســـ أمل ــــمة:
هذي امنية عامة والله ...

هلالي الشرقية:
وان شاء الله الله يكتب لنا عمره في هذا الشهر الفضيل

بســـ أمل ــــمة:
يارب الله يسمع منك ان شاء الله

هلالي الشرقية:
اللهم امين

بســـ أمل ــــمة:
طيب اخوي ... رمضان بدون مقالب او مواقف مستحيل ...
ش بقى في ذاكرتك من مواقف صارت لك بطفولتك او حتى الحين

هلالي الشرقية:
المواقف كثيره خاصه بداية رمضان يكون ماتعودنا على الصوم يدخل الواحد المطبخ ممكن يشرب ماي او ياكل اي شي قدامه من الجوع وتصير كل سنه

بســـ أمل ــــمة:
تتكلم بصفه عامه !!!!!
نبغى موقف خاص فيك انت معليش نتلقف شوي

هلالي الشرقية:
من المواقف الي مستحيل انساها
الاهل سافروا العام مكه في 15 رمضان جلست انا واخوي لوحدنا لحقتهم اخر خمسة ايام
كنا نفطر يوم عند اختي او خالتي او عمي المهم اخوي دوامه شفتات يفطر كثير في الدوام رجعت انامن الدوام كالعاده ونمت وسبحان الله الجوال انطفى وماسمعت المنبه وانا نايم قفلته وكملت الى الساعه 10 اليل
قمت مفزوووووع لافطرت ولاصليت
وبصراحه موقف مستحيل انساه ماحيييت

بســـ أمل ــــمة:
ههههههههههههه
راح عليك الفطور ....

هلالي الشرقية:
رااااااح

بســـ أمل ــــمة:
اكيد احد داعي عليك ههههههه

هلالي الشرقية:
هههههههههه

بســـ أمل ــــمة:
ويمر رمضان وتمر لياليه وروحانيته ... ويبدأ الاستعداد للعيد .. كيف استعدادتك ... ؟

هلالي الشرقية:
نفصل الثياب دائما قبل رمضان
قبل الزحمه

بســـ أمل ــــمة:
عاد ياحظكم يالشباب ماعندكم الا الثوب والشماغ
واذا مره اشتريتوا لكم بنطلونين وقميصين

هلالي الشرقية:
لو علينا مو مشكله
المشكله الاهل

بســـ أمل ــــمة:
هههههه اي اكيد عاد الله يتوب علينا من نزلة الاسواق
طيب هلالي تفضل العيد مع الاهل او تسافر تغير جو

هلالي الشرقية:
مع الاهل اكييييييييد

بســـ أمل ــــمة:
حلاته مع الاهل

هلالي الشرقية:
اخر عشر سنوات صلاة العيد في المسجد الحرام بعد قضاء العشر الاواخر في مكه
بعدها ننزل الشرقية

بســـ أمل ــــمة:
احلى واحلى اكيد في الحرم الصلاة العادية غير فما بالك في صلاة العيد في الحرم
ماشاء الله ,, الله يتقبل يارب

هلالي الشرقية:
صحيح
اللهم امين

بســـ أمل ــــمة:
هلالي في طفولتك ش اكثر شي يفرحك بقدوم العيد الملابس , العيدية ..... ؟

هلالي الشرقية:
العيييييييييدية خصوصا من الجده الله يرحمها

بســـ أمل ــــمة:
الله يغفر لها يارب ويرحمها
كم كانت توصل عيديتك ؟

هلالي الشرقية:
500 ريال كلها مع الوالد والوالده والجده
اما الحين صرنا نعطي عيديات

بســـ أمل ــــمة:
ماشاء الله حلو
هههههه يعني ماتاخذ الحين ؟

هلالي الشرقية:
لا

بســـ أمل ــــمة:
يااخوي ... كل عام وانت بألف خير ... وينعاد عليك يارب ... وتتحقق كل امانيك يارب وأحلامك ... وان شاء الله السنة الجاية تعيد ولدك أو بنتك ...
شاكرة رحابة صدرك وترحيبك وموافقتك ...
وأهم شي مشكور على الكوفي ...

هلالي الشرقية:
جزاك الله خير وكل عام وانتي بخير وكل عام وجميع الاعضاء بخير ونعمه
ولو هذا واجبنا

بســـ أمل ــــمة:
تشرفنا بوجودك ...

هلالي الشرقية:
واشكرك على الاختيار لاجراء القاء

بســـ أمل ــــمة:
واجبي

هلالي الشرقية:
ان شاء الله ماكنت ضيف ثقيل

بســـ أمل ــــمة:
بالعكس ضيف راقي ورائع في حواره واسلوبه

هلالي الشرقية:
واخر شي اوجه نصيحه ان رمضان احد مواسم الخير الي ربنا وضعه لنا لاتدعوه يرحل وانتم لازلتم في الغفله
الف الف شكر
دمتم بخير ونعمه

بســـ أمل ــــمة:
مع السلامه >> وراح هلالي يدفع الحساب ... :مزون:

وهذا كوبي برد ماجيت اشربه <<



ختاماً نشكر ضيفنا ع تقبله الدعوة

[align=left]تقبلوا تحية فريق العمل[/align]

[•.'Deem'.•]

لقاء جدا راااااااااااائع مع ضيف اروع ........

ناعمة ...... بسمة امل ........ يعطيكم الف عاااافية .......

هلالي الشرقية ........ متحدث لبق ...... واكتشفنا جوانب من شخصيتك مره حلوة ........

تحيااااااتي للجميع..........

[صلاح الأحمدي]

.
.



ما شاء الله عليكم وعيني عليكم باردة

والله برافووو رووعة من جد رووعة

تميز وتفنن في العرض والاسلوب

واسئلة اممم حلوووه وهلالي الشرقية ما قصر

اسئلة واجابات قمة والله بدون مجاملة

كل الشكر اختي على اتاحة هالفرصة لي

بالقراءة والاستمتاع هنا بما رأيت وقرأت


يعطيك الف الف عافية

كل عام وانتم جميعا بخير

ومبارك عليكم الشهر الفضيل


تحيتي للجميع

.


.
.

[TαlαL]

لقاء ممتع وجميل مع الاخ العزيز والغالي

هلالي الشرقيه واكتشفنا البعض من خفايا هلالي الشرقيه

ناعمه 000 بسمه

يعطيك الف عافيه

وعساكم على القوه

[بسمة امل]

super ce que tu fais

سوبيغ سي كو تو في

=

كم هو مميز عملك

,

,

,

,

مادح نفسه :مزون:

نعووومه ... انا برضو اللي اكلت الكاتو :زعلان:

عنوني في عنونك :هاها:

الله يعطينا العافيه :خجل:

[بسمة امل]

سمايل مشكورة يالغاليه على تواجدك

منورة الصفحة الله لايحرمنا هالطلة

[بسمة امل]

صلاح الأحمدي

يااخوي كلامك تاج على رؤسنا

الله يقدرنا دوم ونقدم للجميع افضل ماعندنا

كل الجهود المبذولة مني ومن ناعمة اكيد لإرضاء الاعضاء

شاكرة مرورك يااخوي

[بسمة امل]

طـــلال

مشكور يااخوي على تواجدك ومرورك

الله يعطيك الف عافيه

[خــــالـــــد]

[align=center]
هلالي الشرقية
ـــــــــــــــــــــــــ ــــــ
يعطيك العافية أخوي

حوار رائع وجميل

شكراً بسمة + ناعمة
ـــــــــــــــــــــــــ ــــــ
أخوكـ/خالد
[/align]

[هلالي^الشرقية]

الف شكر للاخت ناعمه على هذا الجهد الكبير واشكر جميع الاعضاء الذي مرو على الموضوع وهذا الاطراء الجميل وكل عام وانتم بخير ومن عواده ان شاء الله

[اللـــــيث]

ما شاء الله ....

يعطيكم العافيه ... عمل اكثر من رائع ...

بالتوفيق ان شاء الله

[شحروره]

؛

نااايس ميتنق يااا موووووون ..

رغم ان جذوري نصرااويه ههههههه

/ /
أبدعتم ..

الله يعطيكم العااافية ..

دمتم بخير ..

[ناعمة]

8
8
شحو

تعجبني روحك :غمزه:

ههههههههههههههههههههههههه

منورين كليتكون

/
من أجلي كونوا بخير