[frame="9 80"][poem=font="Simplified Arabic,4,black,normal,normal" bkcolor="transparent" bkimage="backgrounds/12.gif" border="none,4,gray" type=0 line=0 align=center use=ex num="0,black"]
يالمهره اللي ماتثمن بالاسعار = ياللي غلاها فالشرايين جاري
ماهو عليك وبس محبوبك يغار= حتى على اسمك لو يجيبون طاري
جيت اوصفك بالشعر واصبحت محتار= وشلون اببدى فيك ماني بداري
ياعين حرن ماكره بين الاحرار= وياعنق ريمن رابيه فالبراري
ويامبسمن فيك العجايب والاسرار=فيك العسل تحت اللسان متواري
وشلون فيك الثلج مايطفي النار= عجزت في وصفك لاحدد قراري
وياخدها في وجنتك كل الانوار=دايم على نورك تزين المساري
وياشعرها ياكثر ماتلفت انظار=لاقمت تلعب مع هبوب الذواري
وياخصرها لاملت اكتب لك اشعار =واصير مع ليل الهواجيس ساري
ويادارها عسى المطر فيك مدرار=ولعيونها تزهر جميع الصحاري
وياللي وصوفك خلت الفكر يحتار =جرحك بوسط القلب ماهوب باري
رحتي وانا بعدك من الهجر منهار = وانا على هالحال طال انتظاري[/poem][/frame]