[poem=font="Traditional Arabic,6,blue,normal,normal" bkcolor="transparent" bkimage="" border="none,4,gray" type=1 line=1 align=center use=sp num="0,black"]
هلا باللي لفاني ياهلابه=جميل الوقت يوم الحظ جابه
ترحب به عيوني والجوارح=وأغني له على لحن الربابه
سكن بالقلب يامحلى غرامه=نهبني والغلى ... كله .. نهابه
غزالن هزني لحظه نظرته=درى بالشوق مدري ما درابه
أنا من يوم شفته يبتسم لي=أحس الحب في عروقي جرا/ به
علية من الحسن شين جذبني=جمال عيون وخدود ورحابه
وكف وردف وعنق ونهد طاغي=وحسن الصوت ومنطوقه ذرابه
مكمل بالحلى من عند ربي=لو أكتب عنه ما أوفته الكتابه
بناله في خفوقي قصر عالي=الا يالله .... تحفظ له شبابه
إلى من زارني وأحيى شعوري=طويل الوقت مانحسب حسابه
وإلى من غاب لحظه عن عيوني=أعيش العمر أحزان وكآبه
سباني لعن أبو حيه سباني=أفكر فيه وأستطعم شرابه
هلا قد قلتها للي لفاني=هلا يامرحبا وأهلن هلابه[/poem]
[align=center]الشاعر / عبدالعزيز الطلوحي[/align]
رد مع اقتباس
[/align]
المشاركة الأصلية كتبت بواسطة عبدالعزيز الطلوحي
