[align=center]بسم الله وحدهـ
السلامُ عليكم و رحمة الله و بركاته 00
هذه المرّه بدون مقدمه 00[/align]
[align=center].
.
.[/align]
[poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
كم في وجيه الخلق (سالم و جسّاس) = هيبة ملوك الشرق و الخاتمه(تيس)
قلبٍ بلا مذهب و قولٍ بلا ساس = لا يتبع (السنّه) و لا يتبع (ابليس)[/poem]
[align=center]قلت 00[/align]
[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ما عدت بحمل همّ غيري من الناس = تكفيني همومي و كثر الهواجيس
حدّتني الدنيا على شوك و اطعاس= ما قرّبَه مزرب و لا داستَه عيس
درب ٍ على غير الدليله و هوجاس =فيه البلا ماهوب لمّة وساويس
امشي وتحداني مضرّات و اتعاس = و اليا تعرّضت الهوى عرّض ابليس
مثل السما صوتٍ و تلويح و انفاس = كنّي تحت رجلي تدقّ المراويس
رجلٍ بلا ماطى و رجلٍ على راس =ما قرّت ايام العمر للمناحيس
اقرب من الرجوى و يبعدني اليآس = لولا الخطا قايم على كفّ تدليس
كنّي وسط بحر ٍ و لا نيب غطّاس = شاف الذي بيده بعَد ربّه القيس
يوم استوى زولٍ تقُل نور نبراس = في طلعته للي ترجّاه تنفيس
و اثر الخفا ما به من العزم و الباس = مثل الصور لكن على الزور تلبيس
اقفى و انا قلبي على شِقّ محماس = مالي في اخماس المسرّات تخميس
كم في وجيه الخلق (سالم و جسّاس) = هيبة ملوك الشرق و الخاتمه(تيس)
وقت الرخا راسي و بالضيق محتاس = رايٍ بلا رايه و فعل الملاحيس
ينثر لك علومه على دقّ مهراس = مثل الذي ينثر زهابه من الكيس
من غير ما تنشد يورّيك قرطاس = مابه من علوم الرجاجيل تحميس
و يشبّه افعاله بهدّات وانكاس = كنّه و هو عندك رقى عرش بلقيس
في كلّ مشراب ٍ لك يقول له كاس = حتى تقول انه كسر خشم رمسيس
ودّك تجزّ اقصى مثانيه بالفاس= لا من تطرّف لك عن اهل المداميس)
ما هوب لا سبعٍ و لا هوب قرناس =بينه و بين اهل الطويلات تخريس
ناسٍ لهم فوق الشواهيق مجلاس=لا داسوا سْنام الجمل زاد تنكيس
ادناهم فْعوله بالافلاك تنقاس = ما غرّته نفسٍ تغرّ الغطاريس
لو تنقطع رجله على النجْس ما داس = يخشى على ثوبه من النجْس تنجيس
و اليا نطق رصّ الحكم رصّة الماس= ما له على كثر السواليف تمريس
امّا سكت عقلٍ تكلّم بْنوماس= ورّاد صدّارٍ بعيد المراميس
جوده بْماجوده و لا يطري افلاس= لا غلّت ايدين الذي خاف تفليس
و اليا طعن شقّ و تعدّى و لا قاس = لا راح ما عوّد بْخيبه و تخسيس
ذاك الذي تسمع خطاويه لا داس = ما هو كما وجه ٍ مزّور و تلبيس
قلبٍ بلا مذهب و قولٍ بلا ساس = لا يتبع (السنّه) و لا يتبع (ابليس)[/poem]
[align=center]المداميس : جمع مِدْمَسْ أو مِدْماس و هي مشهورهـ
في الجنوب بشكل عام
و المدمس هو ما يكون مربوطاً خلف " المحراث "
ليدفن الشقّ الذي يخلفه المحراث في الأرض
و شبهته هنا بالمنافقين 0
و سلامتكمـ[/align]
رد مع اقتباس
المشاركة الأصلية كتبت بواسطة ناصر القزلان
