[poem=font="Arial,5,darkblue,bold,italic" bkcolor="transparent" bkimage="" border="none,4,gray" type=1 line=0 align=center use=ex num="0,black"]
خــذ القــصايد كــلها واقــرها .....هاك = ماهــي بضاعــه وردوها من الصيــــن
الشعــر نبض حــروف والهام وادراك = وخطوى قصيــده عن كتابة دواويـــن
والي خــلق ذاتك وعزك وسواك =ربٍ خلقــني من سلالــة ســلاطـــيــن
الوصــف يتعــب وصفنــا لاوصفنـــاك = ياالذيــب الامعـط مــدري الطيــر شاهيـــن
عشـنا وشفــنا ابطال و احرار شرواااااك =وشفنا الثعالب يلدغون الميـــاميـــــن
هبــت هبايب وانفــتح الـــف شبـــاك = وعجــزت اميــز هبــت الريـــح من ويـــن
ياصاحــبي درب الشقــى كلــه اشواك = احــذر تعـــثر يفـــرحون الشيـــاطيــــن
ياجيــل قــلي وش نهايــة سوايــاك =فيروس جيــلي ينقل الهم والبيـــــن
والله تبطي ماتلحفــت بمـــحـــماك = مايخــتلط دم الفـــرس والثعــابيـــــن
يابو مها لاتـــامن الوقت حذراك = العــز مبطــي فــا قدينــه من سنـــيـــن
محــــلاك ياوقتٍ بــه الطيـــب محــــلاك = ويـرحم قــلوبٍ باالمواقيــف وافيــــن
ارداهم الي لاتعـــزويــت لبـــــاك = رغم الألم والجـــوع للجـــار حلويــن
يامسنــدي ياعــزوتــي لاعـــدمـــناك =افطـــن كلامـــي واعــرفه وافهمه زيــــن
ان ظاق صــدرك وابتدى جـــور دنـــيــاك =وحــدك زمــانك والقهــر والشهب الدين
حــذراك تشكــي للمخاليــق بلواك =وش موقـفك لاشمتـــوك المعــــاديـــــن
بعــض النوايــا تختــلف عــن نوايــاك =الناس هااليوميــن عاشت بوجهــيـــــن
مـــاكل رجــلٍ باالمواقيــف يفــداك = ولاكــل رجــلٍ تعتزيــبـــه عـــلى الديــــــن
ولاكل من يضحــك بوجهـــك تمنـــاك = ياكثــرها ضحكــات ســـن الخبيــثيـــن
احــذر من الي لاتضايقــت يجفاك = ان طحــت باعــك والمواقف براهيــــــن
والى مثل شرواك مبداه مبــداك = يتعب لجل يرضيــك رغم الامريــــــن
وان خنت خانك وان تخليت خلاك =وان صنت صانك وان تشكيــت مسكيــــن
لاتجهل الي باالخفى يدمح اخطاك = الصاحب الي ينقل العســر واليــــــــن
واحذر تشكــى لوشقـــى الوقت شكــاك = وقل للمدامع تحتــرم دمعــة العيـــــن
ولاتشكــى البلوى على غيــر مـــولاك = ربــك عليــمٍ في عـــذاب المســاكيـــــن[/poem]