[align=center]مساء الخير
متواضعه ارجو لها القبوووووول[/align]
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ماهوب من ضمن القرايب والاحباب = ان كان قفى ما لحقني حسوفه
حتيش لو قرب وحتيش لو غاب = ماهو غناة القلب والا شفوفه
افرح على فرقاه واسوق الاطياب = ماني بميت في حراه ونكوفه
واللي خذت قلبي ليا حد الاعجاب = ماني موضحها وعندي معروفه
بنت الرجال اللي يفكون الانشاب = لاصار في سود الليالي حفوفه
هذاك ماسمع فيه واشي ونصاب = مادام في قلبي مبادي حروفه
اللي فتح له في ضميري مية باب = وجته المشاعر من غلاه معسوفه
اللي كما الشهد المصفي ليا ذاب = كلامها اللي من شفاها طروفه
اشفق عليه ان غاب واكثّر عتاب = يالله عسى الطرقه تصير مخلوفه
لعيونها يا ما بذلت مّن الاسباب = وش عاد لو نفسي لحقّها كلوفه
خضت الخطر لجله ولاني مرتاب = لجل اتشرف في مصافح كفوفه
معروف إن الحب طاغي وغلاب = وشلون حب اللي زهتلي وصووفه[/poem]