رمضان " خليك في الجو "

[داخل بالغلط]

اول شي يا هلا والله وغلا بكل من لفى ..
هللتم سهلا وتبطحتم سعدا ... ومرررررحبن الف في موضوعي والظــاهر انه اخـر موضوع
,, واحب اقولكم شيئين :-
الاول : ودي اعرف من الي حط عنوان المنتدى sfsaleh عشان نتفاهم معه !!!
الرابع : احد عنده سلف ريال !!!

كما تعلم عزيزي القاريء احنا في شهر شعبان
يعني بعده اكيد بيكون ذو الحجة :مزون: ماعلينا من ذوالحجة
انا اقصد الشهر اللاصق فيه بيكون رمضان
اللي يقولون فيه تفتح ابواب الجنة وتغلق ابواب النار وتصفد الشياطين
واذا جا الخير اقبلت الناس على الخير


كعادتي مثل اي شاب سعودي فتحت الدريشة على غبار حارتنا وهو يدخل الى كل فص في رئتي ويخليني اكح الين اطرش واتفل العافية ، وبعدها فتحت عيني بعدما فركتها الين طلعت في ايدي ورجعتها مرتن ثانية من الغبرة وطليت على بقالة حارتنا وشفت ذيك الفراشة الحلوة اللي تدخل البقالة

قلت هذي فرصتي عشان اوري العالم اني اطخم ورومنسي
والبس روب النوم الوردي :مزون: <<< ذوقه خطير وحذيان ريش ، واتمخطر الين وصلت البقالة ، وقلت للهندي جيب لي كيس فشفاش <<< ابي اوري البنت اني كاش :مزون:
لكن الهندي مزلبني وقاعد ينزل اغراض من سيارة المورد الين ترس البقالة ، واستاجر كم متر من الشارع عشان يحط فيها البضائع

اخذت سيارتي بعدها وتوجهت الى شارع جديد توهم مخلصينه ، وعينك ماتشوف الا زحااااااام شديد وسرى تتعب وانت تقول طويل لدرجة انه اطول من خشوم بعض المشرفين <<< احلى تحية اوجهها لندى الحروف :مزون:
ولاحظت بعض السيارات توقف في الحارات واللي يمشي من جنبي يهرول وايده على شماغه
قلت ياولد وشسالفه وش عند الناس ؟؟؟ وليه متحاشرين عند السوق (( الغنيم))
وقفت سيارتي ونزلت مسرعـ (ن) ثمـ(ن) شوي ورجعت .. لأني نسيت " نعالي " .. << للعلم .. أنا من الناس اللي ما أعرف أسوق بنعال .. لازم أفسخها ..
مثل مايفسخ بعض الناس حياهم في الاسواق ..
دخلت المحل بالرغم من انه عوائل فقط لكني انسان محل ثقة والاقي العربيات مغلقة
واللي شايل كيس الرز فوق راسه ، وبعضهم ماخذ ولده عربية ومحمل فوق ظهره من ذالرقاق
وكراتين العصير

وقتئذ <<< مايمديكم عليها ذي :مزون: دريت ان السالفة وراها شهر يسمى بـ رمضان

رحت لقصرنا <<< والله انك كذوب يابودلامة :مزون: ماعندنا قصر ولايحزنون
وقابلت شقيقي الدلخ ابو اسنان مثل سعيدان واستقبلني بابتسامة صفراء وهو يقول جيت بوقتك شيل الاغراض معي ، ولقيت الدتسن مليانة من النعمة والفواكه والاكل والسنبوسة <<< يالتسذوب سنبوسة قبل رمضان بشهر :مزون: والبكنق بودر والجلي والكريمة وعصير سن كويك وشوربة شوفان وكل شي يخطر على بالكم

دخلت عند ابوي وقلت وشسالفة ؟ قال اسال امك !!
سالت امي قالت :شوف يافلذة كبدي <<< برضه تكذب :مزون:
رمضان على الأبواب .. واحنا لازم نستعد له .. لازم نشتري أغراض ومقاضي ... لازم نملى المخزن ونترسه .. ونخلي المخزن مليان ... !

لازم نشتري سنبوسه ولحم مفروم .. عشان الأهل يجلسون يلفوّنها اسبوع ! <<< ماصارت سنبوسه .. صارت حشيش على غفله !

قلت .. وانتم بتموتون إذا ماكلتوا في رمضان ؟
قالت .. لا ياحبيبي .. في رمضان .. الأكل يطلع له طعم ثاني .. والتقعار ( التمدد) بعد الفطور على الحلويات وقدام طاش غيير

قلت لامي واخوتي جميعا : اوكي كلوا الين تشبعون والين تقوم الساعة
واشتروا كل اللي تبونه واطبخوا اللي تشتهونه ، ونثروا الدراهم على المحاسبين ونقطوهم بعد
ولايهمكم احد وماعندي اي اشكال
لكن
خلوا شوي لطاعة ربكم

في رمضان املى كرشك لكن لاتنسى انك تملى موازين حسناتك

في رمضان تذكر انك في موسم طاعة ولازم تستغله وتختصر عمل سنوات

في رمضان حاول ان تختم القران اكثر من مرة وتكون لك خبيئة بينك وبين ربك

في رمضان سافر الى مكة واد العمرة ولاتنسى صلاة التراويح في كل ليلة

واخيرا

[أمل عبدالعزيز]

تسجيل حضور
وجزاك الله خير على كلماتك الأخيرة

ولي عودة تليق بخنبقتك أعلاه
:احم:

[فوووووشي]

****


رمضان هل هلالوه يا حلاوة نورهوه يا قمالوه

شهر الغفران اهلن اهلن رمضان ..شهر الطبخات يا قمالووه
8

8

جالسه تنشدها ولا بسه منديل فوق راسها وتهز راسها كنها ام كلثووم

ههههههههههههههههههههههههه هههههههه

داخل ..والله وغلات الشهر الداخل لينا بعد ثلاث اسابيع انوه موضوع بالصميم

بس انا خقيت على الروووب حسيته مررره لحسه ... ولا النعله الريش

مدري طرى على بالي حسين فهمي ..:مزون:

قلت هذي فرصتي عشان اوري العالم اني اطخم ورومنسي
والبس روب النوم الوردي <<< ذوقه خطير وحذيان ريش ، واتمخطر الين وصلت البقالة ، وقلت للهندي جيب لي كيس فشفاش <<< ابي اوري البنت اني كاش
لكن الهندي مزلبني وقاعد ينزل اغراض من سيارة المورد الين ترس البقالة ، واستاجر كم متر من الشارع عشان يحط فيها البضائع

والله غير ثوب البيت المخطط بازرق وببيج وجيب بالصدر ويالله تنهضمون

المفروووض تكتب ذا المقطع بالابيض لون التشفير والحركتات الفيدراليه ...

اخووي عندنا شيبان بالمنتدى ما يجووز تذكر هالاموور بينهم ..:مزون:

ههههههههههههههههههههههههه هههههههههههه

وكعادتك هبال ومواضيع داخله بالغلط... يا خي خف لينا اشوويا

واشكرك على الكلام الراقي اللي بنهاية مقطوعتك...وليت الكل ياخذ بهذا الحكي الجميل

مشكوور اخووي داخل باخبال على الموضوع المنيس

****

[ندى الحروف]

تسجيـل حضور حاليـًا و لي عودة ان شاء الله :مزون:

[ندى الحروف]

والبس روب النوم الوردي <<< ذوقه خطير وحذيان ريش ، واتمخطر الين وصلت البقالة

يؤ يؤ يؤ بدت عليك أثار الانحراف :مزون:

تتعب وانت تقول طويل لدرجة انه اطول من خشوم بعض المشرفين <<< احلى تحية اوجهها لندى الحروف

قول لا اله الا الله < اخاف تصيبني عين :احم:
ثمن يصير خمي أفطس مثل خشمك :زعلان:

وقابلت شقيقي الدلخ ابو اسنان مثل سعيدان واستقبلني بابتسامة صفراء

و أكيد انت توأمه :مزون:

مثل مايفسخ بعض الناس حياهم في الاسواق ..

تشبيه بليغ :مزون:

في رمضان املى كرشك لكن لاتنسى انك تملى موازين حسناتك

في رمضان تذكر انك في موسم طاعة ولازم تستغله وتختصر عمل سنوات

في رمضان حاول ان تختم القران اكثر من مرة وتكون لك خبيئة بينك وبين ربك

في رمضان سافر الى مكة واد العمرة ولاتنسى صلاة التراويح في كل ليلة

و أخيـرن و بعد عمرن طويلن جدن شفت داخل بالغلط يلقي عظة دئلت

و الحمد لله شكله نيتك طيبه بهالموضوع
< يدها تحكها ودها تعدل شي :مزون:

يسلمووووووووووووو و جزاك الله خيـر
و بانتظار جديدك

[chocolate]

مشكور على الموضوع
بااااااي

[داخل بالغلط]

هذا الموضوع بريء براءة الذئب من دم يوسف من مروره على الوورد او اي تنقيح((( والديل طالعوا في اخر كلمة :مزون: )))
لاني البارح كنت برى والظاهر اني موب صاحي ومسكت معي اني اكتب موضوع وباقي على شحن بطارية اللاب توب 7%
فالتمس منكم العذر والسموحة
وتبون الصز انا مابردت خاطري وحسيت اني مؤدبـ(ن) جدا وهذا الكلام مايعجبني
بس والله استحيت اهايط في موضوع عن رمضان لكن لابأس اني اكمل قصة البنت اللي في البقالة هنا :مزون:
الله يسلمكم بعد ما لبست الرووب حق ( النوم + الحمام+ الاكل :مزون: ) ووصلت البقالة استغربت ان خطواتي كانت متسارعة وفيه شي يزحلق بين رجولي ويخرج اصوات تشبه الطُئاع..! و انزل راسي حتى صار متوازي مع صُرتي همـ(ن) اناظر واطلع صابونة ناشبة بين فخوذي لها من بعد الترويش ومع الاحتكاك طعت كانها صابونة مبشورة ثم امسح بها جسمي عالماشي عشان تشم البنت الريحة <<< وش بتسوي انت بالضبط :مزون:
وامر من جنبها ومعاي كيس الفشفاش وانا امرجحه بايدي واقولها ياويلي عليك يالفراشة
تبين اهديك كيس الفشفاشة
شكلك من زود عقلك لفيتي راسك بشاشة <<< يعني شاش بس القافية عاوزه كده :مزون:
وشفتيني وسرقتي قلبي يالغشاشة :مزون:
قامت ناظرتني بنظرة اعجاب ودخلت ايدها في مخباة العباة <<< عبايتها كذا وش اسوي لكم :مزون:
واهدتلي مراية انا مدري وش قصدها بس حبيتها لان اللي كانوا قبلها بصراحة ماعندهم اسلوب لاني اذا نثرت ابداعي الادبي عليهم احس الجو فيه مطر :مزون: واطالع للسما ولا الاقي غيوم :مزون: <<< الوكاد ان انها تفلة يالربع :مزون:
اخذت المراية وانا حاس اني باطير للسما من الفرحة واروح للسيارة لقيتها مراية عادية
ولامكتوب عليها اي عبارة او رقم او اهداء
تهقون ليه اهدتني المراية ؟؟؟؟!!!!!! :مزون:

تحياتي
( عزيزي القاريء تأكد ان الموضوع لم ينته بعد وانا انلحس مخي عاجزن ادور له خاتمه فلذا انوه علي الاعضاء زوار الموضوع انهم يسعفوني بخاتمة في اقرب وقت عالخاص منشان نبتعد عن الفشيلة، الادارة... :مزون: )

[داخل بالغلط]

أمل بنت عبدالعزيز

ولي عودة تليق بخنبقتك أعلاه

وان عدتم عدنا
وجعلنا جهنم للكافرين حصيرا


احنا في انتظار وجهة نظرك
تحياتي

[داخل بالغلط]

فوووشي

رمضان هل هلالوه يا حلاوة نورهوه يا قمالوه

شهر الغفران اهلن اهلن رمضان ..شهر الطبخات يا قمالووه

يوووووووووه يافوشي يالعجوز الشمطاء :مزون:
هذي من وين متذكرتها ، شكل العدادات عندك قلبت وتوك مصفرتها من جديد :مزون:
الله على زمان الفن والطرب الاصيل :مزون:
ذكرتينا بمشقاص وبابا فرحان وبرنامج حروف

بس انا خقيت على الروووب حسيته مررره لحسه ... ولا النعله الريش

مدري طرى على بالي حسين فهمي ..

عقبال ماتشوفيني بالشورت المقلم :مزون: والفنيلة العلاقي والنظارة الشمسية واصيد السمك على ضفاف نهر الخليج :مزون:

حياك الله واسعدني مرورك

[داخل بالغلط]

ندى الحروف ياهلا بالمشرفة الطاغية الغبية والذكية بنفس الوقت <<< يرقع :مزون:

كل شوي اتحلم فيك واقوم واتعوذ بالله من ابليس :مزون: ، كوابيس ماريحتني :مزون:

يؤ يؤ يؤ بدت عليك أثار الانحراف

ابدن يافضيلته ماصار شي من ذالكلام <<< الخوف مليح :مزون:
انا كنت ابي بيبسي وسفن ام من البقالة :مزون:

قول لا اله الا الله < اخاف تصيبني عين
ثمن يصير خمي أفطس مثل خشمك

انا خشمي افطس يالفلبينية مع تهجين افريقي :مزون:
ابي افهم انتي كيف بتلبسين النظارة الشمسة وعيونك ممغوطة
انصحك بعدسات شمسية :مزون:

و أكيد انت توأمه

لا انا تو أبوه خخخخخخخخخخخخخخ <<<< مالت على اللي عطاك كيبورد يالخسيس :مزون:

تشبيه بليغ

كويس انك عرفتي ان الناس اقصد فيهم البنات :مزون:

و أخيـرن و بعد عمرن طويلن جدن شفت داخل بالغلط يلقي عظة

فيا موت زر ان الحياة كليلة ويانفس جدي ان دهرك هازل :مزون:

و بانتظار جديدك

اقري زين هالمقطوعة

هللتم سهلا وتبطحتم سعدا ... ومرررررحبن الف في موضوعي والظــاهر انه اخـر موضوع

عشان كذا حبيت ان يكون ختامها مسك

ندى الحروف اسعدتيني بردك وحياك الله
وبصراحة لك مواقف لاتنسى وان شالله تتذكريني بكل خير ولاتزعلين علينا لاني مسوي نفسي امووون عليك :مزون:
الله يخليك لنا وللغربلة اللي اشوفك فيها مثل النحلة ماشالله عليك
تحياتي

[داخل بالغلط]

توم وجيري
لعنبو ابليسك مدري وش اقتبس وش اخلي :مزون:
احرجتي من بعدك يا أختاه :مزون:

مرورك مثل المسك والعنبر على الموضوع
يعطيك العافية

[غليص ولد رماح]

داخل بالغلط
ارس لك على بر
ياخي مافهمتك ؟؟ اول مرة اضحك وابتسي في موضوع واحد
سلمت يداك على الكتابة المميزة ،، ولك مستقبل حلو بس طور نفسك
يعطيك العافية

[أمل عبدالعزيز]

,,
,
,

اول شي يا هلا والله وغلا بكل من لفى ..
هللتم سهلا وتبطحتم سعدا ... ومرررررحبن الف في موضوعي والظــاهر انه اخـر موضوع

ياهلا ومسهلا بالنحس المركز وأهله
بعدين وش سالفة مرحبن ألف هههههههههههههههه شكلك متأثر بمهرجان ابها

كما تعلم عزيزي القاريء احنا في شهر شعبان
يعني بعده اكيد بيكون ذو الحجة ماعلينا من ذوالحجة
انا اقصد الشهر اللاصق فيه بيكون رمضان
اللي يقولون فيه تفتح ابواب الجنة وتغلق ابواب النار وتصفد الشياطين
واذا جا الخير اقبلت الناس على الخير

ياعيني بس على الكلام المرتب والمنسق والله ماناقصه إلا إطار وبس
وبارك الله فيك على هيك مقدمة تحسسني أني في العام أو حول قضايا :11sted_re

أللي مفرحني بجيّة رمضان الحين شيء واحد وهو أن الشياطين بتصفّد وبنرتاح منك ومن غثّتك ونحسك وإذا جا ذو القعدة بعدين فيها حلال:هاها:
ههههههههههههههههههههههههه ههههههه

كعادتي مثل اي شاب سعودي فتحت الدريشة على غبار حارتنا وهو يدخل الى كل فص في رئتي ويخليني اكح الين اطرش واتفل العافية ، وبعدها فتحت عيني بعدما فركتها الين طلعت في ايدي ورجعتها مرتن ثانية من الغبرة وطليت على بقالة حارتنا وشفت ذيك الفراشة الحلوة اللي تدخل البقالة

يعجبني فيك ياداخل بالغلط أنك صاحب خيال وسيع بالمرة وفي نفس الوقت تقدر المرأة
يعني قلت فراشة ماقلت قطوة ولا فارة ولا ضاطورة هههههههههههه
المهم نشوف نهايتها مع الفراشة

قلت هذي فرصتي عشان اوري العالم اني اطخم ورومنسي
والبس روب النوم الوردي <<< ذوقه خطير وحذيان ريش ، واتمخطر الين وصلت البقالة ، وقلت للهندي جيب لي كيس فشفاش <<< ابي اوري البنت اني كاش
لكن الهندي مزلبني وقاعد ينزل اغراض من سيارة المورد الين ترس البقالة ، واستاجر كم متر من الشارع عشان يحط فيها البضائع

وردي؟
رييش؟
تتمخطر؟
ونهايتها
كيس
وفش فاش؟
أنا لو من الهندي موب زلبتك بس إلا كان سطرتك بالريش ههههههههههههه

اخذت سيارتي بعدها وتوجهت الى شارع جديد توهم مخلصينه ، وعينك ماتشوف الا زحااااااام شديد وسرى تتعب وانت تقول طويل لدرجة انه اطول من خشوم بعض المشرفين <<< احلى تحية اوجهها لندى الحروف

يعني تبي تعلمنا أنك تملِك سيارة؟؟خخخخخخخخخخخ وين نور الكون بس!!
فيه هنا بعد حش
وين ندى الحروب هههههه الحروف قصدي

ولاحظت بعض السيارات توقف في الحارات واللي يمشي من جنبي يهرول وايده على شماغه
قلت ياولد وشسالفه وش عند الناس ؟؟؟ وليه متحاشرين عند السوق (( الغنيم))

وين ياخي رمي جمرات ولا وشو؟
بعدين بصراحة مالومك يوم تسولف عن هالمطارد أللي بتكون في شعبان
وصلني خبر أن شعبان قرر يصير شوال عشان يرتاح من المناحيس مثلكم ههههههههه

وقفت سيارتي ونزلت مسرعـ (ن) ثمـ(ن) شوي ورجعت .. لأني نسيت " نعالي " .. << للعلم .. أنا من الناس اللي ما أعرف أسوق بنعال .. لازم أفسخها ..

تسوق بدون نعال؟ ويحك يابوالريش

مثل مايفسخ بعض الناس حياهم في الاسواق ..

صدقت والله يهدينا يارب ( هنا أنت حكيم ) هههههههههههههههه

دخلت المحل بالرغم من انه عوائل فقط لكني انسان محل ثقة والاقي العربيات مغلقة
واللي شايل كيس الرز فوق راسه ، وبعضهم ماخذ ولده عربية ومحمل فوق ظهره من ذالرقاق
وكراتين العصير

أموت أنا على محل ثقة؟ وش أجل محل شراريب؟ ولا محل بنشر ههههههههههههه:نيني:

وقتئذ <<< مايمديكم عليها ذي دريت ان السالفة وراها شهر يسمى بـ رمضان

أبدددددددددن مايمدينا بتاتن

رحت لقصرنا <<< والله انك كذوب يابودلامة ماعندنا قصر ولايحزنون
وقابلت شقيقي الدلخ ابو اسنان مثل سعيدان واستقبلني بابتسامة صفراء وهو يقول جيت بوقتك شيل الاغراض معي ، ولقيت الدتسن مليانة من النعمة والفواكه والاكل والسنبوسة <<< يالتسذوب سنبوسة قبل رمضان بشهر والبكنق بودر والجلي والكريمة وعصير سن كويك وشوربة شوفان وكل شي يخطر على بالكم

ياعيني بس
وش ذا ؟
هذي مقاضي عنبر في السجن هههههههههههههههههه

دخلت عند ابوي وقلت وشسالفة ؟ قال اسال امك !!
سالت امي قالت :شوف يافلذة كبدي <<< برضه تكذب
رمضان على الأبواب .. واحنا لازم نستعد له .. لازم نشتري أغراض ومقاضي ... لازم نملى المخزن ونترسه .. ونخلي المخزن مليان ... !

شكل الحرب قامت وش بتملون المخازن؟ كل ذا ذخيرة ؟ هههههههههههه

لازم نشتري سنبوسه ولحم مفروم .. عشان الأهل يجلسون يلفوّنها اسبوع ! <<< ماصارت سنبوسه .. صارت حشيش على غفله !

حتى الحشيش ينلف بساعته هههههههههههههههههههههه<== خبرة أجل:11ughboun

قلت .. وانتم بتموتون إذا ماكلتوا في رمضان ؟
قالت .. لا ياحبيبي .. في رمضان .. الأكل يطلع له طعم ثاني .. والتقعار ( التمدد) بعد الفطور على الحلويات وقدام طاش غيير

تقعار؟

هذي بلحالها جملة تستاهل موضوع كامل

ههههههههههههههههههههههههه هههههههههههههههههه
وش بعارين؟ههههههههههههههه

روح ياشيخ وبس

وعلى فكرة أنا بخلص لك الحكاية لابوها من نهاية بلشنا بها الله يستر لاتصير مسلسل مكسيكي ونقعد بها أنا وندى الحروف
فعشان كذا:

بعد ماوقفت أنت والفراشة قدامك
فتحت جيبك
وطلعت منه غرشة فليت بف باف
وبخيتها عليها
وماتت

ومات البطل
وتوتة توتة خلصت البربوسة
:mf_depres

وفي الختام أحب أشكر كلاً من العثيم مول والسدحان مول وأمل مول على رعايتهم لهذه البرامج الترفيهية هههههههههههههه

[(* الوفـاء طبعي *)]

بارك الله في جهودكم ونفع بها الجميع
ونسأل الله لكم التوفيق والسداد

[ندى الحروف]

وين ندى الحروب هههههه الحروف قصدي

:مزون: < جبتيها بالصميم :نأ:

وعلى فكرة أنا بخلص لك الحكاية لابوها من نهاية بلشنا بها الله يستر لاتصير مسلسل مكسيكي ونقعد بها أنا وندى الحروف
فعشان كذا:

بعد ماوقفت أنت والفراشة قدامك
فتحت جيبك
وطلعت منه غرشة فليت بف باف
وبخيتها عليها
وماتت

ومات البطل
وتوتة توتة خلصت البربوسة

احلى يالفيلم التراجيدي دئلت
تايتنيك بنكهة البف باف :مزون:

أيه يا أمل و أخيراً فكيتيني منه و من غثته و نحسه :زعلان:
:مزون: