لـو فرضنــــا؟!!.. ماذا ستكون ردة فعلك؟!!..

[ندى الحروف]

السلام عليكم
اليكم هذه اللعبة سهلة جدا

الفكرة هي ان تطرح افتراض ما يجول في خاطرك للعضو اللي بعدك
رح ابدأ أنا

لو فرضنا انك عند نقطة تفتيش
وفجأة قام رجال الامن
بالقبض عليك بعد اتهامك
بعدة تهم منها:
الارتباط بشبكة ارهاب عالمية.
الاشتباه بمشاركتك بتفجيرات 11 سبتمبر.
ترويج المخدرات.
غسيل الاموال.
التخطيط لاعمال ارهابية.
العلاقة المباشرة بصدام حسين ونظامه.


كيف ستكون ردة فعلك؟

جاوب .. و اعطي افتراض للعضو اللي بعدك :مزون:

[ياكازوكي]

بقولهم انا ياباني مالي بهالشغلات

طيب لو مسكوك وانت تسرق وش ردة فعلك :واو:

[ندى الحروف]

ارجع الشي لمكانه و اتكلم انجلش و يحسبوني أجنبيه < بس أتفحص الأشياء خخخخخخخ :مزون:

طيب لو ..
فجأة جيت المنتدى و لقيت أنك أخذت باند و دخلت من معرف تاني.. بتكلم مين من الاداره و ايش بتقوله؟

[*أهداب*]

أكلم الأخ فارس ..
بس شكلي رأح أبطي عظم
وهو مارد علي ..

وراح أقوول مظلوم يابيه ماعملتش حاقه ..

وأعرف رده مسبقاً راح يقول لو كل الناس براءة أنتي لااااااااااااااا

**********

لو نصحك عضو ما ..وقال تذكر يوم من الأيام أنه قدمت لك نصيحة بالمجان فليش تنتظر حتى تدفع ثمنها ؟؟؟

[N n y ~]

ما فهمت ..؟؟؟

[ندى الحروف]

لو نصحك عضو ما ..وقال تذكر يوم من الأيام أنه قدمت لك نصيحة بالمجان فليش تنتظر حتى تدفع ثمنها ؟؟؟

بقول له المناصحه مو معايـرة .. نصيحتـك على عينـي و على راسـي < و لي حريـة الأختيـار..
أمـا أتبـعها و أمتا احترمها لكـن أرفضـها !!

طيب .. لو فرضنـا..
أنـه وحده من صديقـاتك بتعمل فيـك مقلبـ و قالت لكـ أنـه أحد من أهلـك صار فيه حـادث.. و بعدها عرفتي أنـه مقلب .. وش بتكون ردة فعلك منها و من الحدث؟!!

و العكس صحيح اذا كان بعدي شاب .. < لو " صديقك "

[TαlαL]

بزعل عليه وماكلمه طول ما انا حي

طيب تخيل ارسلك خالك لصرافه تسحب فلوس

وتجيبله اغراض ورحت الصرافه وسحبت مارضيت تسحب

رجعتله البطاقه اتصل عليك ثاني يوم الظهر قالك الصرافه مسحوب منها الفين

ريال وانت مسكين ماسحبت شي وش موقفك

[عنيد وحنوووووووون]

والله إن يجيه سيفون يمشي مليوووووووووووووون


طبعا بعد وابل ( بس هذي الكلمة خطيرة وش رايكم فيها ) من الصفعات


لو فرضنا أنه انت مسؤل عن صندوق من المال وفي نهاية الاسبوع نسيت المفتاح ومادريت عنه وجيت السبت وتفاجأت انك ناسي المفتاح على الخزنة ولا بعد مأخوذ منها مبلغ وقدره 5000 ريال وش ردة فعلك ؟ << يمكن الفرض بعيد عن الموضوع بس هذا الموجود حالياً


واالفروض القادمه أحلى ان شاء الله

[TαlαL]

والله إن يجيه سيفون يمشي مليوووووووووووووون


طبعا بعد وابل ( بس هذي الكلمة خطيرة وش رايكم فيها ) من الصفعات

والله شين وقوي عين الرجال يقولك زارفني الفين وانت تعطيه صفعات

وبعدين تراه خالك :مزون:

وبالنسبه لافتراضك

هو حل واحد مافيش غيره اقعد انتف شعري :مزون:

طيب تخيل انك تصلي في المسجد ودق جوالك

وانت حاط نغمتك فوق هام السحب <<< بالله عش هالجو لحضات

العالم خاشعة والاد ق الجوال فوق هام السحب وان دمتي لي ثرا :مزون:

[asaleh100]

والله ما لها داعي

التسليمه الثانية بالبيت

طيب

لو افترضنا أنك طالب جيب شروكي ولونه مميز وتوك مطلعه من الوكالة
وعند باب الوكالة لحقك رجال وقال : لون الموتر أعجبني وودي أشتريه منك

طبعاً قلت له لا يا خوي أنا توني شاريه

بعدها بدقيقة ( دقيقة: يعني لو تناظر بالمرايه للخلف بتشوف الرجال اللي قال بيشتريها منك)
طبعاً بعد دقيقة مثل ما قلنا
يخش عليك راعي مازدا بالغلط ويقبع فيك ( ما لها داعي صح )
وش بيكون موقفك

[TαlαL]

والله بكون في موقف لااحسد عليه وتوني شاريها

مدري اقعد ابكي عيب اشقق هدومي عيب

فراح اقول العوض على الله

طيب تخيلانك جيت لمجلس رجال وسلمت على رجال مرتين في نفس الوقت

واذا بنت سلمتي على حرمه مرتين

[ندى الحروف]

أنواع الأحراج :اوبس:
بس عادي و اذا سلمت عليها مرتين :مزون:

طوووويب..
لو فرضنـا اتصلت عليك بنت تبي تتعرف وات موقفك..
و للبنات ولد اتصل بيتعرف :مزون:

[asaleh100]

أقول لها إرسلي لي إيميلك برسالة sms
والوعد الليلة على الماسنجر
وأقفل الخط

ههههههه


طيب

تخيل أنك على مكتبك وقاعد تطقطق بالماسن ومكبرة على الشاشة
وماخذ جو قص ولصق في القلوب الحارة والباردة

فجأة يطب عليك مالك الشركة
ويعرفك على مديرك المباشر الجديد
ولم تتح لك الفرصة لتقفيل البلاوي هذه

ما موقفك

[TαlαL]

موقفي على طول على الباب ولاعاد اوريه رقعة وجهي :مزون:

طيب تخيل مسكوك الهيئه تغازل وجاي ابوك للقسم يطلعك وش موقفك

[ندى الحروف]

وش هالتخيلات طلال < شكلك مجربها :مزون:
طبعًا أتمنى الأرض تنشق و تبلعني :زعلان:
و أعتذر و توبه ما عاد أعيدها :نأ:

طيب لو فرضنـا..
تخيل يوم كنت بجمعه مع أصحابك و طلبوا منك تقلد ممثل و قلدته تمام .. و جاك رجل قال لك نبغيك تمثل معنا بفيلم الموسم :مزون:
و للبنات < جاتكم حرمه :نأ:

وات شعورك و وات بتعمل؟