[align=center]هذه القصيده اللتى سأشارك بها في شاعر المليون يوم الاربعاء بأذن الله
لان موعدى معهم الاربعاء
جيتهم اليوم فالرياض وقالو تعال فالدمام
ويمكن خيره مير هااذي القصيده ياااخوانى الافااضل ابي الرأي والنقد ومنكم استفيد
ولحد يبخل على [/align]
[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
الحضور احيان معناه الغياب = والغياب احيان معناه الحضور
والقصيد ان مارقا متن السحاب = يعتبر محسوب من حب الظهور
والمعانى شرد والواقع سراب =والشعور العذب يشبه للعطور
والخيال اليا انتشا ودا وجاب = وصاد لك ماصادت احرار الطيور
ولو يبيض الديك ويشيب الغراب = ماوقف نزف المعانى والشعور
شعر يفتحلك مع الآمال باب = وشعر منه .تمل . وتضيق الصدور
والفخر في عصر ابو زيد وذياب = يوم كان الفعل في ذيك العصور
والفخر ذا الوقت . مايحسب حساب = وماعلى كل القبايل من قصور
والمدح لا مالقا باب وجواب = يعتبر سيل ٍ على المادح حدور
ومن يمجد نفسه يعيش بعذاب = ودائما ً والعبد مختال وفخور
والكلام اللى مخالف للصواب = سلعة ٍ في كف صاحبها تبور
والتواضع سيف عز ٍ فالنصاب = والثقه فالنفس ماتحسب غرور
قلتها من بعد ما اتعبت الركاب = في البلاد وفالنواحى والثغور
وعارضي من لوعة الايام شاب = وشاب قلب ٍ توه بعمر الزهور
والحبيب اللى زها كف الخضاب = والعلاقه معه يغشاها الفتور
كل ماجاه الغلا جاب العتاب = خابر ٍ قلبي على الشده صبور
لين منه القلب وسط الصدر ذاب = وغابت الفرحه وفارقت السرور
استغل الطيب مع لين الجناب = لين خلانى على وصله ادور
حسبي الله فيك ياترف الشباب = ليه تحدانى على بعض الامور
ماهنالى معك زاد ولا شراب = بس دمي في شراييني يفور
وبأطلب الله خالقي حسن المآب = وجعل ذنبي من ورى الحب مغفور [/poem]