هي رسالة
الى كل فتاة
قبل أن تكون قصيدة
[poem=font="Simplified Arabic,4,burlywood,normal,normal" bkcolor="black" bkimage="" border="ridge,8,red" type=2 line=0 align=center use=ex num="0,black"]
ثمان سنين في الغربة من أول لحظه كلمته=همست بصوتي الخجلان..ترى غلطان في النمره
ثمان سنين مخدوعه في قصة حب عايشته=رسمته صوره في بالي وصوتن غرد بصدره
يقول أختي أنا غلطان حسبت اللي توقعته=أنا غلطان صدقيني..قبلت ابكل سعه عذره
في ثاني يوم يرسل لي مسج لليوم ماشلته=سطر يتعذر ابذوقه ونهاية شوق في سطره
رسلت أول مسج مني..وقلت اللي انا قلته=بعدها رن هالهاتف رفعته بذوقه منبهره
يقول العذر بنت الناس إلين العذر عاشرته=توالت قصة الاعذار وطالت مدة السهره
على اللهفه وكل شوقي في جوف اعروقي سكرته=تمر أيامي دون احساس ولا أشعر سوى سحره
شهر شهرين يهمس لي أنا مشتاق وصبرته=نفس شوقك يهج فيني ومسير الوقت يختصره
غفلنا عن بدايتنا..طلب يلقاني مانعته=بعدها قال معذوره ..أنا ببعد لجل بكره
حرام أبقى وكل شوقي ثمان سنين مرمرته=يا إما أبعد ابحزني أو أظفر لو بكم نظره
من أعماق القلب فزيت دموعي سالت بسكته=خلاص أبشر مدام الحل في كم نظره ولو مَرَه
قبل يوم الوعد حسيت بحجم اللي انا صرته=من أعذاره الى ذوقه الى شوقه الى مُره
ثمان سنين ضعت بصوت ورى الاسلاك سايرته=متى أصحى من الغفله وأعلن صدي وأقتدره
متى أنظر الى نفسي بديني حالي دمرته=مبادئ ذاتي اتلاشت وشفت النفس منكسره
ولاينفع بعد صوتي اذا اتنازلت انا وشفته=صعب تتلملم بإتقان اذا انكسرت الجره
بمان الله يا اذل الناس وحتى رقمي غيرته=وحسافه عمري الضايع..ثمان سنين بالحسره
لو أنك جاد في شوقك وفي الحب اللي طولته=وش اللي يمنعك تطلب ايديني طول هالفتره؟؟!![/poem]