[align=center]بسم الله الرحمن الرحيم
الله يمسيكم بالخير والرضى
يسعدني مشاركتم في هذا الصرح الشامخ[/align]
[poem=font="Simplified Arabic,6,black,normal,normal" bkcolor="transparent" bkimage="" border="none,4,black" type=1 line=0 align=center use=ex num="0,black"]
يالله يـا كافـل ارزاق المخاليـق=ياعالـمً مابالصـدور الخـوافـي
ياكاسيً جرد الصحاري زماليـق=والمبتلي بامرك يصيـر متعافـي
تفرج لقلبً عانق الهـم والضيـق=دايـم همومـه مقبـلاتً مقافـي
يلعبه الهاجوس ويغيـب ويفيـق=لعب الهبايب بالغصون النحافـي
لولا الدلال المكرمـات المدانيـق=فنجالهـا لهمـوم قلبـي مشافـي
ولولا الضلوع اليابسات المغاليـق=ولولاي ادله خاطـري بالقوافـي
يفز مثل الـي كفـخ بالمسابيـق=حرً وحش يبغـى زراج الفيافـي
باسباب وقتً حرق الجوف تحريق=وقتً تغير صـار فيـه اختلافـي
منه الضماير ولعـت والمعاليـق=وخطرً على عقلي يصيبه خلافـي
قلو به حبوس الرجـال المطاليـق=اهل الكرم ومورديـن الرهافـي
اهل الشهامـه طيبيـن المعاميـق=حلويين الالسن والضماير نضافي
صلبين الارياء حافظين المواثيـق=على النقا تفعـل وتاعـد وتافـي
مالفقو عـوج السواليـف تلفيـق=ولا تجتمع باهل العقول الخفافـي
وعلى العدو مثل الرماح الزواريق=وعون الصديق وطيبين الملافـي
وكثرو به الي للرخامـه مشافيـق=الي على الهفوات تهرف اهرافـي
ناس تـروج للنمايـم طواريـق=ياما وياما شذبو عـرض غافـي
ويسعون في نشر الفتن والتفاريق=والزند عن كسب النواميس طافي
هذارة المجلس بعـوج المناطيـق=درب الردى تمشيه والحظ هافـي
من لامني في سبهم يصبح معيـق=وعسى سنينـه كلبوهـا عجافـي
والحر ما يسكن بعـش الغرانيـق=وبين الردى والطيب فرق وتجافي
وقد قيل في ماض السنين العواتيق=جميع طير ً مع شبيهـه يشافـي
والمرجله مثل الجبال الشواهيـق=ما يعتليها مـن زنـوده ضعافـي
تصعب على راع العلوم الخذاريق=الي يجالـس لا بسـات الغدافـي
والمدح مايرفع رخـومً سواحيـق=والذم ما يـردي عديـم ً سنافـي
واليا بـلاك الله بربـع ً مطافيـق=اصبر على ماقال صقر النصافـي
الصبر مفتاح الفـرج والتوافيـق=ولا بد من عقب الشدايد عوافـي
تمت وانا مالي عن الناس تحقيـق=والي ذكرته باول الشـرح كافـي [/poem]
[align=center]سعد بن فراج العريدي[/align]
رد مع اقتباس
