بسم الله الرحمن الرحيم
مساء / صباح الخير على كل الحبايب , الوفا !!!! وهل هناك ما هو اجمل منه ؟
ولكن !!! ماذا لو بدله راعيه وانقلب بعد الوفا ناكر وبايع !!
[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
احسن الله العزا بك يا - وفا - يوم افترقنا=البقا لله , ونجمك ياوفا ياسرع افوله
ياوفا كيف بثواني بالحزن بعدك غرقنا=واقتلب حلو الزمان ودارت بسرعه فصوله
هانت العشره وضاعت صحبةٍ فيها وثقنا=والجفا - قبل نْتواجه - بيننا ارخى سدوله
كانو اثمن من حياتي , كانو اغلا من عشقنا=كانو النور الذي ينزع ظلامي من اصوله
كم تحملنا وكم من أجلهم وقتٍ سرقنا=كم تسامرنا نبث اشواقنا ليلٍ بطوله
كم حضنا دمعهم وبجمرها كمّ احترقنا=كم شغلني همهم وبقلبي جروحٍ تهوله
كم تناسينا الألم اللي من الدنيا لحقنا=يوم بعيونه قرينا نظرة الحزن الجفوله
كم عطيناه وعطانا كم سبقناه وسبقنا=كم تبادلنا سْلوم الطيب بافعاله وقوله
وكم سقانا من كرم كفه وياما منه ذقنا=نفعة اللي ما يشاوف لانفع , رد العموله
ما رفض شيٍ رأيته دوم بالراي اتفقنا=واذكر اني اقبل الحاجه اذا فيها قبوله
كم وكم كانو وكنا كم بهالكون انطلقنا=خادعين الياس فينا لو بضحكاتٍ خجوله
والزمان ... اثر الزمان اللي من حباله عتقنا=يكتب لقصة وفانا آخر ادوار البطوله
حلم عشنا روعته ايام , وبلحظات فقنا=وغيم ماطر في ثواني انقطع عنا هطوله !
كان خلي - لي - طريقٍ للسعد يمه فرقنا=عن دروب الياس , لكن حيدت عني ذلوله
إنصدمنا ثم يمنا فوق يسراها صفقنا=يوم قرر صاحبي يرمي على كتفي حموله !!!
الرفيق اللي بدمع العين قدامه شرقنا=من مرار الوقت , يرسل بالشقا يمي رسوله !!!
ادري بهمه طواه ويعلم الله كم قلقنا=واجتهدنا بالدعا لاجله وهذا اللي نطوله
بين ما يطلب وبين ضروف ماترحم علقنا=ودي ارضي صاحبي وايدي عن الفعل مغلوله
ويوم قدمت العذر قفا وكنا ما انخلقنا=وفرط بصحبة زمان وداس تاريخٍ بطوله
انفعل واعلن جفاه واحرق بصده ورقنا=واختفا ذاك الكتاب اللي تشرفنا فصوله
وقالت الايام كلمتها وباذن اللي خلقنا=الضروف اصغت بطاعه للذي عنا تقوله
يا وفا بعد العنا ان كان ربي بك رزقنا=لاأشيد لك بقلبي منزلٍ عسرٍ دخوله[/poem]
,
،
،
،
وسلامتكم