اغنام - ابل - دواجن - طيور

ماسألتك تريد القلب أوماتريده
الغلا يامعنى خافقي فيك,, فيك

ما عطيتك خفوقي لجل باكر تعيده
وما بديتك بداية جد لجل أنتهيك

ذا,, أنا لاعشقت أعشق ونفسي عنيدة
أعشق الصعب وأنت الصعب منَّك وفيك

كان لك نضرةٍ ترحم ونضرة شديدة
ما تغيَّر حبيبي أنت عطني حديك

مشترط بالمحبة سوّبي ما تجيده
دام مالك بروحي ياحبيبي شريك

أنت سيد الخفوق وقبل من كان سيده
منتهيت إبمحبه قبل ما أبتديك

والوعد بالليال المقبلات السعيدة
جيت وإلا نسيت أنا هناك أحتريك

هاك كلي قصايد حب حلوة فريدة
إقرها تدري إني ميتِ بك وأبيك

راس مال السهر فنجال بن وقصيدة
وأنت تستاهل اللي من عيوني يجيك

أنت,, يازين واحد والقصايد عديدة
ولعنبوها إذا ما ساعدتني,, عليك

مو مهم العنا والليل ذاك ووعيده
المهم يحياتي إني أوصل إليك

Huar hgwuf!