[poem=font="Simplified Arabic,6,black,bold,normal" bkcolor="transparent" bkimage="" border="double,4,black" type=2 line=0 align=center use=ex num="0,black"]
تدللي روحي وش اللـي تبينـه=ما ابيك لا قفلتي الخـط تبكيـن
انتي غلى من غربلنـه سنينـه=لو ما تهنـى وده انـك تهنيـن
ما انام لامنـي رايتـك حزينـه=خليني اسهر عنك وانتي تنامين
انا معك مبحر بنفـس السفينـه=ما نسمع العاذل بآذاننـا طيـن
العذل يا دنيـاي دينـي ودينـه=ابيك قـدام الخلايـق تموقيـن
دامك معي... لا تشعرين الغبينه=تدللي قدرك على الراس والعيـن
علاقتي بك يـا حياتـي متينـه=واللي مطمني با الاشواق تدرين
اعرف طبعك يا الحبيبه رزينـه=انتي مثال العطف واللطف واللين
لا تسألين اللي جروحـه دفينـه=ترفقي به يا اطيب الناس تكفين
شخصن يحس بكل ما تشعرينـه=سعادته يمشي على ما تحبيـن
ما اظن تاتي لحظتـن تنكرينـه=ولا اظنك بهجران مثله تباهيـن
اذا نويتي يـا الغلـى تتركينـه=لا تتركينه يجرع الغبن والبيـن
اللي صبر لك عمر لا تقهرينـه=لدي عليه بنظرتك قبل تمشيـن
ما دام روحه عند روحك رهينـه=عسى حياته فدوتك قولي آميـن[/poem]
رد مع اقتباس
-new.gif)
