السلام عليكم
حبيت اشارككم في هذا القسم بابيات لي واتمنى تنال اعجابكم

النوم مر وقال هاك التحيه
واسهر ترى ذا الليل ماني بناصيك
وهذي تراها لك ياماجد هديه
اسهر مع اللي دايم الدوم يغليك
قلت السهر مافيه كود الاذيه
وانا ترى لي وقت يانوم اناديك
وان كان ودك صدق تعطي عطيه
عطيتي يانوم زدلي مساعيك
ثم قاللي وش فيك ويش القضيه
لايكون خلك مات قلي اعزيك
خابرك تسهر معه تالي عشيه
واليوم ويش اللي حصل وين غاليك
قلت اه من سود القلوب الرديه
اليا بغاله حاجتن جا يراضيك
وليته على قولك خذته المنيه
ويا نوم تكفى لا تكثر حكاويك
ثم قاللي مادام نفسه دنيه
كبه وتبشر بالذي دوم يرضيك
ثم قلتله والله ماني خويه
ولا انت يانومي عسى الله يحييك
__________________