الشوق هيض على الولهان
. . . . . . . . وقام يتجرى على لحونه
وكل السبب قايد الغزلان
. . . . . . . اللي خذا القلب بعيونه
ياسيد الغيد والخلان
. . . . . الروح لرضاك مرهونه
ان كان ترضيك يازعلان
. . . . . . عليك ماهي بممنونه
في حبكم ماني بخسران
. . . . .اداري الحب و اصونه
ماقلت من شعر والالحان
. . . . . تفداك والله يامزيونه
ماشالني عنك النسيان
. . . . . . .وعاشقك ماباح مكنونه
يادرتن غاليه باثمان
. . . . . .مالك بهرجن يقولونه
لاتتبع العاذل الغلطان
. . . . . .خله يروح على هونه
غلاك مايقربه نقصان
. . . . . . . ثابت على القلب وركونه
وفي داخل القلب لك بستان
. . . . . .كل الاوادم تقف دونه
وحلاك ياقايد الغزلان
. . . . . . عندي كثيرين يفدونه
رد مع اقتباس
