[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
وشلون نقدر ننجد المسروق ونذل السروق = والناس سارقها قدر يضحك على مسروقها
العز شمسه مغربه ما حولها ولا شروق = الله يرحم ناس ضحّت بالعمر لشروقها
والشجره اللي يابسه ماحي فيها الاّ العروق = خايف مع الايام لا تيبس ياناس عروقها
طرى علي اللي لبس تاج الشرف والعز طوق = والناس حوله لبست إلْها طوق ماهو طوقها
واللي طرى تحت الثرى وله عدد لمع البروق = سلام واللي داخل الصندوق في صندوقها
بعد طرى طاريه قمت ابدع جديدات الطروق = لكم وجزلات البيوت بكل ذوق اسوقها
أمرٍ قضى فيما مضى ترك وسط قلبي حروق = وقلبي معاه اقلوب غيره زايدات حروقها
مكان الاموات القبور اقولها وانا صدوق = ودوم القبور تكون تحت الارض ماهي فوقها
لكن اشوف اموات معنا لي متى يبقون فوق = وليا متى والعالم الحيّه مدحدر سوقها
وليا متى لا هرّج الصاحي نقول انته تحوق = وليا متى وحقوقنا نرضى الطروش تبوقها
ياللي تقول انّك من اللي مايضيع إلهم حقوق = انته وغيرك ناس ضاعت فى الحياه حقوقها
راحت حقوقك من يدينك في يدين الغير بوق = وارخصت قدر الغاليه فى الوقت يا معشوقها
غترتك مشقوقه وتبغى منك تخييط الفتوق = وانته تبا اللي شقّها يجي يخيط فتوقها
اقول صح النوم يانايم خلاص اصحى وفوق = انته من اللي تنشف ارياق العدو فى حلوقها
ويالربع صعبه ننجد المسروق ونذل السروق = والناس سارقها قدر يضحك على مسروقها[/poem]