[poem=font="Simplified Arabic,4,white,bold,normal" bkcolor="transparent" bkimage="backgrounds/21.gif" border="groove,6,crimson" type=2 line=0 align=center use=sp num="0,black"]
اغرب من الصدفه تصادفت وياه=بنفس المكان اللي جمعنا حبايب
الصاحب اللي غير الوقت مبداه=وثقت فيه وردني منه خايب
كتمت جرحي عنه في يوم فرقاه=سويت نفسي عن هوى البيض تايب
رغم الوداع اللي رفع فيه يمناه=ضحكت له والقلب وسطه لهايب
لامادرى انه تل قلبي من أقصاه=وأنه سبب هاك الجروح العطايب
كتمت جرحي قلت يمكني أنساه=يمكن يطيب الجرح لاصار غايب
واخذت أحاول شهر شهرين ويلاه=توي شباب وعقبه الراس شايب
أثره نسى عندي ملفات ذكراه=ليا بغيت انسى تهب الهبايب
ضحكه ودمعه والسهر مع محياه=لاخالطك يالليل شقر الذوايب
أمسى معي واليوم ليلي بلياه=مصيبةٍ ماهيب مثل المصايب
حتى بعد لقياه في يوم لقياه=ماقلت هجرك حط فوقي نصايب
مشيت من عنده ولكني أبغاه=عزيز نفسٍ شاف منك العجايب [/poem]
رد مع اقتباس
[/align]
المشاركة الأصلية كتبت بواسطة يوسف العتيبي
-new.gif)
