عالم الأسهم

[عبد الإله]

أنا زعمت أني شاعر كبير وما حد قدي والحقيقه الكلام اللي قلته كله كذاب ، بس أردت أني أشوف أخلاقكم يا شعراء المنتدى ووش بيكون ردكم ؟؟؟
أنا في المرحله الثانوية وعمري ما قد كتبت شعر لكن يوم شاركت بها المنتدى قلت ليش مأحاول وتعطوني رايكم ونصايحكم فكتبت هذي الأبيات عنوانها :
[align=center]عالم الأسهم[/align][align=center]عالم ليا تبغى تناسى همومك ** زادك من العله هموم(ن) كثيره
أعصاب ماسكها طول يومك ** حزه قرير العين وحزه ف حيره
هذا يبي ينصح وهذا يلومك ** و ف يومنا ذا قل منهو تشيره [/align]
وسلامتكم
وش رايكم فيها كبدايه ؟
ووش ملاحظاتكم وما نصائحكم ؟

[احمد مناحي]

عبد الاله

هلا بك وغلا ...

أنا زعمت أني شاعر كبير وما حد قدي والحقيقه الكلام اللي قلته كله كذاب ، بس أردت أني أشوف أخلاقكم يا شعراء المنتدى ووش بيكون ردكم ؟؟؟

اخلاقنا تعجبك ولنا في الحياة تجارب كثيره تعلمنا منها الكثير وصدورنا واسعه ابشرك .......


أنا في المرحله الثانوية وعمري ما قد كتبت شعر لكن يوم شاركت بها المنتدى قلت ليش مأحاول وتعطوني رايكم ونصايحكم.

هذا حق مشروع لك ولغيرك والمنتديات مجال واسع للاستفاده لمن اراد ....

ولا يعيب الانسان التعلم في اي مجال مباح ....



فكتبت هذي الأبيات عنوانها :

عالم الأسهم
عالم ليا تبغى تناسى همومك ** زادك من العله هموم(ن) كثيره
أعصاب ماسكها طول يومك ** حزه قرير العين وحزه ف حيره
هذا يبي ينصح وهذا يلومك ** و ف يومنا ذا قل منهو تشيره

وسلامتكم
وش رايكم فيها كبدايه ؟
ووش ملاحظاتكم وما نصائحكم ؟

اما رايي وليس رأينا لاني اتكلم عن نفسي فقط ولست مخولا بالتحدث عن غيري لانهم الاغلبيه هنا هم افضل مني واعلم بالشعر وادرى واعتبرهم اساتذه لي انا اتعلم منهم .....

اسمع رأيي في ابياااااتك ....
عالم ليا تبغى تناسى همومك ** زادك من العله هموم(ن) كثيره

هذا البيت مسكور والكسر تحديد في صدر البيت ولو انك قلت :

عالم اذا تبغى تناسى همومك .

لكان اقوم للوزن ..........

أعصاب ماسكها طول يومك ** حزه قرير العين وحزه ف حيره

هنا ايضا هذا البيت مكسور ..


هذا يبي ينصح وهذا يلومك ** و ف يومنا ذا قل منهو تشيره

هذا البيت جميل جدا ومتكامل بناء ومعنى ...

محاوله لاباس بها ان كانت هي الاولى ونصيحتي لك بالقراءه والاطلاع والاستماع الى نصائح

من سبقوك في هذا المجال .....


تقبل مروري وتعقيبي برحابة صدر ولك مني كل الشكر والتقدير

[عبد الإله]

جزاك الله خير وان شا الله بأواصل مسيرة الشعر دام انك شجعتني يعطيك العافيه وترقبوووووووووووووووووووو ووووووووووووووو المزيد