[frame="5 80"][poem=font="Simplified Arabic,4,black,normal,normal" bkcolor="transparent" bkimage="backgrounds/14.gif" border="none,4,gray" type=0 line=0 align=center use=ex num="0,black"]
تعالي يالهنوف امشي وميلي لاعدمت خطاك=تعالي علمي كل البنات السحر وفنونه
تعالي هيضي شاعرك يوم يناظر محياك=يبي يخرج مواهب عن جميع الناس مدفونه
ابنظم لك قصيدن ماشريته من هنا وهناك = من افكاري بيوتن قلتها جزله وموزونه
ابكتب فيك واكتب فيك واكتب فيك واتحداك =اذا ماكان شعري فيك كل الناس يقرونه
ابكتب فيك لين ارضي غروري فيك قبل رضاك=مادام ان العيون بشوفتك بالحيل مفتونه
تدلل لوتبي عمري وقلبي ياحبيبي جاك=حياتي في يدينك ياحبيب الروح مرهونه
تفضل وسط قلب اللي يحبك ياهلا حياك =تعال اجلس بوسط القلب والا داخل عيونه
خفق لك قلبي المجروح واصبح هايم بذكراك=امانه لاتزودها عليه وتكثر طعونه
ترفق بالحبيب اللي بقلبه سكنك واغلاك=يبيك تحبه الحب الحقيقي اللي يسمونه
مادام انه على قلبه وعمره والجميع اغلاك = ترى المفروض فيه تموت لين تصير مجنونه
ومادام انه على نفسه وروحه يالغلا بداك =ترى المفروض ماتخيب رجاه وتخلف ضنونه
ومادام انه حلف واقسم برب البيت ماينساك=ترى المفروض ماتقدر تعيش العمر من دونه
تحبه مثل ماحبك وتهوى قلبه ويهواك = ترى هذا هو الحب الحقيقي اللي يقولونه[/poem][/frame]