[poem=font="Simplified Arabic,5,black,bold,italic" bkcolor="transparent" bkimage="" border="none,4,gray" type=3 line=0 align=center use=ex num="0,black"]
ياسحاب القصايد جاك حـس رعـدي=سايقه من سموم القيض حر الهجيـر
بارقه من حنيني مستشيـط طـردي=شق نوضه فتيـل يستحـث المسيـر
جاك ليل بكـت بغـداد فـي مرقـدي=وانتثر من ضماها في هدبهـا سعيـر
امطري من ثلوجـك زختيـن بـردي=تبرد الجوف عقب منـاورات الغتيـر
بين قلب المغنـي والسـلا جرهـدي=يوم شفت العناكب والسحالـي تطيـر
والقلاعه تهاوت في دروب اجـودي=يالله انـك عليهـا ياكريـم قـديـر
هز شوقي رجـال ذكرهـا سرمـدي=من شلاها ترجس شاربي والضميـر
ناظرو لـي بعيـن جفنهـا ارمـدي=وش تصير القراده في خفوق البعيـر
يحتويها وانا الملتاع حـرف ابجـدي=اشرب الما زلال مـن ثنايـا غديـر
وكل كلمه لها قاموس في موردي= في غياهب شجوني شاعرية مثير
ليت فالي صبـاح العيـد وجـه ردٍي=ولا علوم تهاوت فـي نهـار الاثيـر
عولمتهـم بـروح العربـده لمردي=بيض الله وجهـك ياسدهـا الاسيـر
يالله احفـظ ملكنـا والولـد وبلـدي=من شمال الجزيره لين واحة عسيـر
صقرنا اللي يحلق في سحاب الجـدي=ماتهزه رياح الغـرب ارذل حقيـر
زمجرن السحايب مير قلـت اركـدي=نوخي سيف عشقي في منايا الجفيـر
لي سطرت الحقايق ضللـو مهتـدي=واتركوني علي الهامش وبحري غزير
شمعة فـي ظـلام دامـس اسـودي=من وهجها نفوهـا لاتقـدي ضريـر
العنا في وريـدي والصبـر سيـدي=شيمتي من سحاها يهتويهـا العبيـر
لابتي صلب يام ونعتـزي باسعـدي=مانحـب الضلالـه ياكـذوب الاجير
نسقي اشبالنا الطولـه بيمنـي ثـدي=ونحفظ العهد ونصونه وصايا البشير
والختم ياصـلاة الله علـي احمـدي=وسبـح الله ياغافـل بليلـك كثـيـر [/poem]