اخواني وخواتي اعضاء منتديات غرابيل
السلام عليكم ورحمـــة اللــــه وبركاته وبعـــــــد
أقدم لكــم التعازي الحاارة ,, في وفاة فقيد الامة الاسلامية
خادم الحرمين الشريفين الملــك فهـــد بن عبدالعزيـــز آل سعود رحمـــه اللــه
وأسكنــــه في فسيــح جنانه ,, وثاني شئ أقدم لكــم اعتذاري عن غيابي
في الفترة الماضية لسفري خارج المملكة العربيـــة السعودية ..... للظروووف القاسية
وثالث شئ أقدم لكم هذه القصيدة المرثية في الفــــــــــهد رحمـــه اللـــه
وموتى المسلميـــــن أجمعيـــــــن
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
علم(ن) سمعته في ضحى يوم الاثنين=هز البلاد وحزّن الشعب كله
بآخر شهر سته بسته وعشرين=كل(ن) بكى والدمع عينه تهله
قالوا توفي راعي الحلم والدين=فهد الفهود اللي شهير(ن) سجله
اموسع(ن) مسجد ختام النبيين=حتى الحرم وسع به وخادم(ن) له
ريف اليتاما والضعوف المساكين=ويظلل الادني والاقصى بظله
فهد فهد خادم بلاد الحرمين=رجل الوفاء والمجد والطيب كله
تشهد له افعاله بكل الميادين=ذخر الوطن في كل ماقع وحلة
كريم يعطي بالعطايا ملايين=والكل في فعل الكرم شاهد(ن) له
ويعالح المرضى ويفك المساجين=ويساعد المحتاج في لازم(ن) له
عاشوا بظله ناس واجد ولاجين=رفحا دليل الديرة المستقلة
زعيم(ن) امحنك وعندي براهين=عندي على مدحه حقايق وأدله
رد العراقيين وأسعف فلسطين=من كل هم وكل جرح(ن) وعلة
وشعب الكويت بعام واحد وتسعين=حرر له كويته وعاد لمحله
ماعاقته مصايب ادنين واقصين=شرب المصايب مثل فنجال دله
وياللـــــه ياقابل صلاة المصلين=الجنة الخضرا تجي مسكن(ن) له
وياللي سمعــت أبياتي فردد آميـــن=عسى الجنان الخالدة منزل(ن) له
ونعيش في حكــم الملوك السلاطيــن=عبداللـــه اللي كل عقد(ن) يحله
عبداللــه القايد صعاط المجانين=عوق الخصيم ولا يعرف المذلة
عبداللــه املطّم خشوم المعادين=وسيفه على روس الاعادي يسله
هذا حبيب الشعب طلق الحجاجين=بقلوب شعبه ساكنه صورت(ن) له
ويعيش ابوخالد زبون المخليـــن=الطيب له عادة وطبع وجبلّه
رجل الدفاع اللي يرد المغيرين=حام الوطن من كل غارة وزلة
لاوصله المديون يقضي لــه الدين=ماهو يحسب الدين كثره وقله
ياشوف عيني يوم زار المعاقين=شل المعاق وقبلّه يوم شله
ونيابت(ن) عن كل فخذ الغياثين=أنوب عنهم بالوفاء والسجله
مريـــــةً نسل الرجال المسميـــن=مع الملـــك عبدالعزيز احلف(ن) له
ودرب(ن) مشوه اجدودي الاوليين=أمشي بممشاهم واعرفه وادله
أنا مبايعكم على العسر واللين=بيعة ولاء من خادم(ن) مخلص(ن) له
شعارنا آمـــان ونخلة وسيفين=خل الحســود يموت من زود غله
والمملكـــة ماهي تعرف القوانين=دستورها القرآن والحكــم لله
أخيـــكم : عبدالمحسن بن عبيد الغيثاني المري[/poem]
رد مع اقتباس
