.
دولة البحرين كان الوقت طال .. قلبي العاشق متيم في هواها
والمنامه فاقت دروب الخيال .. والمشاعر مالت وراحت تلاها
وإعتلت كل المداين بالجمال .. ما هقيت إن ديرهَ تاصل مستواها
بالجنوب الشوق ياخذني شمال .. ليتني نجمٍ وساطع في مساها
يا هَلَ البحرين ما عندي مجال .. كيف أصبر نفسي وزايد غلاها
يوم نادتني وقالت لي تعال ...... فز قلبي هايم وطار بسماها
والمشاعر ترقص وصار إحفتال .. فرحة العُشّاق وصلت منتهاها
بالمحرّق نسهر أيام وليال ..... والرفاع من الحلا زايد حلاها
وقلبي العاشق على بسيتين مال .. والعيون من الوله تروي ظَماها
وإحتمال أنسى الأماكن/ إحتمال .. لكن البحرين ما أذكر سواها
.