ستايل جديد .. يستاهل الجديد .. وأنتم بعد تستاهلون .. على الله تبيض الوجه ..
[poem=font="Simplified Arabic,5,crimson,bold,normal" bkcolor="transparent" bkimage="" border="solid,4,crimson" type=1 line=0 align=center use=ex num="0,black"]
التجارب علمتني في ميادين الحياة = علمتني كيف اكون اول ولا اكون الاخير
علمتني كيف احدد قبلتي وقت الصلاة = كيف اشوف الله كبير وكل مادونه صغير
علمتني بالكرامه وانها راس الغناة = شخص ماعنده كرامه يعتبر نفسه فقير
الله اللي حط ذاتي تختلف عن أي ذات = لي طموح اكبر من اللي شايف ٍ نفسه كبير
ماطلبت الا جزيلات العلوم الغانمات = ارسم الخطوات واثق قبل مارجلي تسير
اعتبر مافات مات وهقوتي بالمقبلات = لانباح الكلب يزعجني ولا صوت الحمير
والتجارب علمتني سر في عشق البنات = ماورا حب العذارى غير تانيب الضمير
ايه ياقلبي تجمل خل عنك المقفيات = مايصير الصوف عندي يلتهم خيط الحرير
انت وافي لكن الاحداث حولك خاينات = بين لوعات الغرام وبين ضحكات الحقير
والتجارب علمتني حق في مالي زكاة = بالرخا حتى تجيني لو غدا وقتي عسير
لو يقل المال عندي ماطلبت المعجزات = خلها تمشي على الله والليالي تستدير
والتجارب علمتني من فنون الراميات = الصداقه حق واجب للخفير وللامير
والرفيق اللي يخونك احذف بدربه حصاة = بالشدايد مايفيدك غير من سيفه شطير
والتجارب بينت لي والديني بالوصاة = توي افهم ليه ربي قال فيهم سو خير
هم خيار الناس عندي والصدور الحانيات = دامهم عندي فخيري من عطا ربي كثير[/poem]