[poem=font="Simplified Arabic,4,white,bold,normal" bkcolor="transparent" bkimage="backgrounds/21.gif" border="ridge,8,chocolate" type=0 line=0 align=center use=ex num="0,black"]
--(( ناس نرحـب بها وناس نودعها ))—
تكفيني الشمعة اللي كنت اولعها = لاغاب نــور السراج اللي اتقدابه
يوم افشلت عالم كنا نشجعها = الحظ لو طـاح طـاح وينكسر نابه
ناس علينا مــركبتٍ مدافعها = قواتـها جاهـــزه مدفـع ودبابه
وليا التفتنا لها سالت مدامعها = نـاس ضعيفه وراعي الطيب ولابه
ماني بدور على الزله واتابعها = وعود العشر حالف اني ما اتعصابه
واهل الردى مانبيها مانـرابعها = اللي وسطهم تقول انـي وسط غابه
حلفت ما احبـها حلفت اقاطعها = ناس تحـب النفـاق وناس نصابه
من سام مني فانـا والله بايعها = ابيعها لعنبــوها نـــاس كذابه
المعرفه بينهم قدضاع ضايعها = والجهل موجـود فيهم والردى بابه
ياللي توهـق بها يضيع طايعها = نـاس تغــرك بقــول ماتحلابه
اسواقها خاسره خسرت بضايعها = يالعنبو النذل وابــو جد من جابه
ناس مع الناس يامشين طبايعها = يازين فرقى بعضهم جاء لنا احرابه
نفسه ضعيفه كريـم عز صانعها = ياللي خلقت البشـر حكمك بنرضابه
الزله من القريب تكبر وجايعها = مصابها بالخطـــر يكـثر تقلابه
ناس تبدي على الرفقـه منافعها = احد تعشــاء منــه واحد تغدابه
تمشي مع اللي يجاملها ويشبعها = واللي ماتلقى معه شـــي تسلابه
تقول وتقول فيـه ولا تطاوعها = ولا تستمع للكــلام اللـي تحكابه
في غيبة الناس يامطول جوارعها = وفي الحق تقصر جـوارعها ولعابه
ناس تحـب الخطاء يالله تروعها = او ردها الحق تدخـل بوسع ابوابه
لحتجتها قامت تفــرك اصابعها = تضيع حيـلاتها وتقــول منصابه
ماتسمع الحق وتسكر مسامعها = تســكت عن الحق ولا تفصح بجابه
يالله ياربنـــا شـتت تجمعها = ودمر عليـها ذراهـــا اللي تذرابه
ناس رخيصه وباقت في ودايعها = ماتـامن بقـربها ولنـــار شبابه
وليا تكلمت معها صــعب تقنعها = ومن طال باله عليها تحرق اعصابه
ياليت ندري عـن الغايه ودافعها = والـلا نعـرف السـبب حتى نتنبابه
ماتدري ان حقدها ماهو بنافعها = لابـد من يـوم ماتحسب له احسابه
الله يقطع مصـــانعها وفايعها = وقت الغضب مابها من يمسك اعصابه
ناس دنيه رخيصات روابعها = ياكـبر زلـة رفيق شــال مشعابه
ياكبر منقودها وياشين واقعها = هرج مع النـاس لـومـاتت يوخابه
ياخاين القرب شوف الناس واسمعها = خذها نصيحه تـرا مثـلك مايدرابه
ناس نرحـبها وناس نودعها = والخلد في الاخـره والفـوز بكتابه
النفس لوكــان طماعه فجوعها = والناس بعد الخطـاء تـرجع وتوابه
واعمالك الماضيه لازم تراجعها = وانكان فيها خطاء فبحث عن اسبابه
الجنه بالاخره ماخـاب فازعها = والجار سيد البشر من حوله اصحابه
ابعد عن النار لاتلوعك لوايعها = واكسـب بدنياك خــير لجل تلقابه
والنفس دايم طموحه لاتدلعها = وبحث عن الخـير وافعل شي تنجابه
يالله تغفر ذنوبٍ كـنت اجمعها = ياخالقٍ (ن) البشـر ماخــاب طلابه
صلوا على سيّد الامه وشافعها = اعـداد مـن حـج بيت الله وصلابه
[/poem]
[align=center]وسلامتكم
ابو خاااااااااااااااااالد[/align]