سيداتي أنساتي سادتي أسعد الله أوقاتكم بكل خير في حلقه خاصة ومعادلة صعبه لاتحتمل القسمه على إثنين في حلقه حارة درجة حرارتها 69 درجة مئويه في حلقة قد يستغربها الكثيرون برنامج خاص أرجو من الجميع أن يشغلو التلفاز ويشاهدو الأن قناة كورولا الفضائيه عبر التردد 009672222222 أو الإتصال بنا فورا على هاتف 123456789 لكي نركب لكم الرسيفر عرض مميز المهم لايفوتكم اللقاء مقدم اللقاء الأخ والمراسل طرطشلي في لقاء مع عبدالله محمد ونبداء اللقاء
طرطشلي :أخوي عبدالله وينك عسى ماشر
عبدالله محمد : ياخي هذا مراسل ولا مقدم ولا وش هو وش هالأسلوب في السؤال أسال سؤال بطريقه عدله تناسب طلعتك في التلفزيون وبعدين أعطي الناس نبذه عني يعني مقدمه قبل ماتسأل السؤال إلي زي وجهك بسرعه عيد التصوير
طرطشلي : أوكي لاتعصب نبداء سيداتي نقدم لكم شخصا عرف في منتدى غرابيل تجدون ردوده في كل إتجاه لين أنضرب عين وصار ماعاد يدخل نهائيا من مميزاته السرعه كان يصل حتى 1000 مشاركه في 5 أو 6 أيام ومعروف أنه 150 حصان و 8 سلندر شخص كان مزعج بمعنى الكلمه كان يشارك 24 ساعه حتى في غيابه الناس قالو الحمدلله والله فكه صحيح أنه طيب القلب ولكن وقت الجد مايعرف يا أمي أرحميني صحيح أنه بندول مسكن للألام ولكن أحيانا يكون ديزل رجل له لمسات سحريه أدري إن رجوعه غثا لكن هو مصمم إنه يرجع إنا لله وإنا إليه راجعون نبداء الحوار
أخوي عبدالله نبداء الحوار إنت رجعت ؟ إي رجعت ولا مو عاجبك
طيب ماسر غيابك وماسر عودتك ؟ سر غيابي يعني الباسورد ؟
لا أقصد وش ورا غيابك ؟ الحقيقه أنا غبت لكن معي ورقة عذر أعتقد إنها مقبوله ولو إني أعرف إن نظام العمل 15 يوم وننفصل لكن الأخوان طيبيين ولازم تعرف إني غبت لأسباب كثيره لا أريد ذكرها حاليا
طيب قولي سبب واحد؟ إنت مين راسلك لي إنت نشبه في الحلق يارجل قلتلك مابي أقول بالقوه تبيني أقول قلت مابي يعني مابي وبطل إحراج
طيب هل تعد الجمهور إنك ماراح تغيب مره ثانيه ؟ لا الصراحه ما أوعدهم لكن أوعدهم إنه في مفاجئه جايا جايا في الطريق لكن الغياب راح يتكرر أصلا إنت قلت في مقدمتك إن غيابي رحمه تبيني أجلس ليه
لا أنا كنت أبي أعرف متى ماشي ؟ يعني في العيد تقريبا غصبا عن خشمي
ياريت غصب عن خشمك يتكرر مرارا وتكرار طيب قولي وش وضعك في المنتدى؟ الحقيقه أنا راح أدخل كل يومين وأعتمد أكثر شي على القضايا العامه
أنا قلت إنك إنظربت عين ماصدقت طيب ماترجع مثل أول ؟ إنت مين راسلك علي إنت لبشه خلاص قلنا كل يومين يعني كل يومين إنت منت أدرى بظروفي عني
طيب تصدق إن لقاءك بايخ وزي وجهك ؟ أدري لأن المقدم أصلا بايخ وماعنده أسأله زينه إنت مين وصلك تصير حق لقاءات
طيب سؤال أخير
أتفضل
إنت كيف حالك ؟ وكيف الإجازه معاك ؟ وكيف بيكون ردت فعلك إذا أستقبلك الجمهور زي مايستقبلك دايما ؟ ومتى حانهنيك بمرور الف مشاركه ؟ وإنت إيش أسمك الكامل ؟ وتاريخ ميلادك ؟ وبعدين وش برجك شكله الثور إذا ماخاب ظني ؟ ومتى توعدني تسوي معي لقاء ثاني ؟
خلاص خلاص خلاص خلاص غثيتني لا الأسئله الأولى أحلى كل هذا سؤال أخير طيب أنا أبي أرد على أخر سؤال لك ماراح أسوي معاك مقابله ثانيه وإنثبر ونصيحه طبيه إنت سبب رئيسي للأمراض النفسيه والعقليه ولا عاد أبيك تسوي ولا مقابله ليا
في ختام هذا اللقاء لايسعني إلى أن أشكركم على حسن المتابعه ونتأسف على هذه الحلقه البايخه أصلا كله من المستضاف لو درينا ما أستضفنا
عندي كلمة أخيره ممكن أن أحب أقول لجمهوري العزيز أسأل أي سؤال عندك وأنا أجاوب وإلي يبي يرحب يرحب وإلي مايبي يرحب أنا أبيه يرحب وسلامتكم
(((((((((((((((((((((((((( عبدالله محمد يعود إلى غرابيل )))))))))))))))))))))))))))))))))))