الخائن غير المجبور
اللي يخون و يطعن القلب بيديه // ما هو بمثل اللي على البعد مجبور
والي مشى درب الخيانة برجليه // ما ظنتي في داخله إحساس وشعور
لا تعتذر عذرك أنا اليوم ما بيه // وش تعتذر له وخاطري منك مكسور
وفر دموعك حبك اليوم ناسيه // ما عاد قلبي فيك هايم ومأسور
امضي ولا ادري وين يمت مماشيه // كنت ظلام حاجب عني النور
حتى الطموح اللي بقلبي خذلتيه // عاش الحزن من عقب ماكان مسرور
قلبا يحبك كيف بالله بعتيه // ياما وياما سامر الليل مقهور
لجلك بنيت قصرا وشيدت مبانيه // كل المشاعر و الأحاسيس له سور
أنت بطيشك كل شئ هدمتيه // نجم تكسر عقب ما كان مغرور
يا جافيه هذا هو البعد ذوقيه // ذوق عذاب كان بالقلب محصور
اللي يخون ويطعن القلب بيديه // ما هو بمثل اللي على البعد مجبور