يقوله الفنان عدوية
أحب الناس الرايقه ... الي بتضحك على طول
أما الناس المتضايقه ... أنا لا ما ليش في دوول
خطير يا عدوية وقسم إنه صادق ,,,
يعني أنت تبي تعيش في تفاؤل وسعة خاطر وتجي عند واحد شايل تريلة أسطوانات غاز
فوق ظهره وبوزه طريق ضبا .. تبوك الساحلي ومبرطم وإذا طالعت فيه
وقلت وش فيك يا أخي عسا ماشر ليه زعلان قال ( الدنيا يا فلان الدنيا )
طيب كم عمرك يا باشا ؟
يقول 25 سنه !!!!!!!!
طيب يا إبن الناس توك شباب وتشكي الدنيا لا جربت وباقي ما أخذت وعطيت في الدنيا
وبعد باقي ما تزوجت ولا صرت أب ومسؤول عن أسرة وتشكي الدنيا ,,
تصدق الدنيا لو تدريبك كان بالزبيرية الله يكرم القارئين على صبختك الشينة هذي
تلاقيه ماغير فراره في كل شارع وإذا جاء وقت الصلاة أنخش في مكان تقول إن معه راتب الحريم الشهري :مزون:
ولا يسمع لا قرآن ولا يجلس مع أخيار ,, ويلوم الدنيا ,,
لوم نفسك أول يا خبل ,,
============
عاد أنا أحب الناس الرايقه فعلاً ,,
ناس ماسكه دينها وموكلتها لله سبحانة وفالتها بالعربي الفصيح :مزون:
مثل شلة كنت عندهم الخميس والجمعه إلي راحت ,,
جيتهم من سكن العزوبيه إلي فيه ناس الله يهديهم بس وكلهم يشكون الدنيا
وكرهوني في جلسة السكن ,,
تصدقون أجلس بس أوآسي في الخبلان :مزون:
ومره من المرات طفشت من وآحد كثير شكوى ودايم يقول يا بندر ليتك تشوف ما شفت ..
قاطعته مرره وقلت يا صديقي كم عمرك .؟
قال 22 سنة !!
والله ضحكت وبصوت عالي وقلت ( تشكي الدنيا وأنت عمرك مقاس نعول أخوي الصغير ):مزون:
أكرمكم الله وأكرمه ولا تزعلون من مقولتي بس قهرني وجاب لي مغص وصرت
مهموم مثلهم ,,
نعود لسالفة أخوياني في الخميس والجمعه ,
لقيت الفلة والله ولقيت سعة الصدر
وشرينا طبقين بيض ..
طبق أكلناه وطبق فقس على روس الي ينامون الضحى وما يصحون بدري معنا ,,
وناس تضحك وتستانس ,,
وقسم بالله إني أعلم بعد الله بحالة البعض منهم على هموم قد الجبال ,,
بس رجال رجال رجال موكلينها لله وهم مع الله وإن شاء الله الله معهم ,.
,,,,,,,,,,,,,,
ويالله يالناس المتضايقة فكونا شركم وأضحكوا وخليكم فرش :مزون:
أخوكم الي ما عنده سالفة
بندر النايف
رد مع اقتباس
المشاركة الأصلية كتبت بواسطة وجن محمد
