[poem=font="Simplified Arabic,6,,bold,normal" bkcolor="transparent" bkimage="" border="double,4," type=3 line=0 align=center use=ex num="0,black"]
( امطرت حايل بمقدم امام المسلمين )
امطرت حايل بمقـدم امـام المسلميـن=
يوم ابو متعب نوى درعمـت شعبانهـا=
ماهو وقتن للمطر امطرت من شان عين=
لا حضر صقر العروبه جـرت وديانهـا =
مبطين عنها وهـزه لشوفتـك الحنيـن=
دوك الارض تفـز لاشاهـدت خلانهـا =
المحبه خصلتن فيك يا القـرم الفطيـن=
المحبه ما تبي غير شخصـن صانهـا =
وانت مالك با الغلى يا بعد حيي وزيـن=
يمدحك فعلك وعطفـك علـى سكانهـا=
الغلى ما جاك صدفه بنيته مـن سنيـن=
قبل ما تصبح ولي عهد كنـت لسانهـا =
اسال اهل المملكه عن محبتـك ويبيـن=
الصغـار يقدرونـك قبـل شيبانـهـا =
القياده مهرتن وانت فارسهـا الرزيـن=
ما عسفها غير مـن جـوده برسانهـا =
با السما صقر العروبه ومن حولك عرين=
عادة الليث المحنـك يصيـد سمانهـا =
فيك رحمة والد وفيك حزم وفيـك ليـن=
الصرامـه والعفـو حنكتـك ميزانهـا =
القصايد فيك تختال حسن وفـرط زيـن=
لو نحاول نختصرهـا عصـت قيفانهـا =
الله يبهيـك يـا سيـدي دنيـا وديـن=
وجعل حايل دايـم تزورهـا فرسانهـا =
ما يشيب الشعر في مدح من حبه دفيـن=
ولا تفوت المرجله من ربى باحضانهـا =
يا مترجم كل شخصن غدى هرجه رطين=
ما حدن يطمع بنـا لا حميـت اركانهـا =
الحكم من دون حكمتك ما يملـك يديـن=
والعدل من دون من هيبتك ملك اعيانها =
[/poem]
رد مع اقتباس
-new.gif)
