ابي اسئل واتعلم
وابي اعرف صنوف الحب
ابي اهيم في روحي
واحل لغز علي هلب
فيه وحدة تحب اثنين
بنفس الوقت ما تتعب
تقول لواحد ضوى عمري
وللثاني ترى مطلب
وتكتب للكبير احروف
لو قيس بها اتشلب
وصغير السن ما يدري
ان في هواه تلعب
وقصايدها ترى روعة
تبدلها على كل حال
ساعة تعزف اللوعة
وتغني لذا موال
ولا تخجل
ولا تتعب
وتشبك يمكن افي لحظة
مع لثنين في خطين
وتسولف عن سوايا الحب
ومع الثاني عن العينين
وتموت بصرخة وشهقة
وتضحك بذات هاللحظة
عجب يا عالم الاحباب
مثل القلب ما يتعب
وما تتعب
********
شهر شهرين سنة وشهور
وفوازير مع المسحور
واغاني شوق من يسحب
بساطة يجي مجبور
لا واحد عرف ضرة
ولا فيهم عرف مستور
تبين ان هذا ثور
وان لا صق فيها
وتبي الثاني بكل غرور
وتشبك يمكن افي لحظة
مع لثنين في خطين
وتسولف عن سوايا الحب
ومع الثاني عن العينين
وما تخجل
وما تتعب
**********
لهب وجروح من حبها
للأسمر كحيل عيون
والثاني عرف سرها
تحب فيه الي يحب بجنون
تقله اخلص في حبي
وارسملي سنا المفتون
وتهمس في زوايا الليل
في الجوال والتلفون
وتشرح كل قضايا الدهر
وعن الي صابها بحزون
وعن الي قدرها وياه
مثل ضغطة على السيفون
وان ما رماها الليل
الا في حضنك المزيون
تعال احضني يا عمري
شقد طارت علي اسنون
وما باقي ترى بعمري
غير الضمة اذا تدرون
ابي اعيش انا في حضنك
والثاني على الهتفون (مجطول مدة )
قلها اشفيك مشغولة ؟!!
قالت ابد بو حسون
بالمسنجر عندي ارفيقه
تسألني متى يصيفون
وتشبك يمكن افي لحظة
مع لثنين في خطين
وتسولف عن سوايا الحب
ومع الثاني عن العينين
ياخوفي ما تخاف الله
ترى اربع ما هم عينين
وإن فيهم لابس كشمة
صارو ست مو اربع
ويمكن طول المدة
تزيد القلة وتتربع
تصير احبابها دولة
وتختار الي ما يتعب
عن المحبوس ما ينهد
عن الي يدفع الازود
ولا تخجل ولا تتعب
تحياتي
نور